مش عارف ايه الحكاية صحيح لو فى تفسير عند اى حد يعنى انا باجى نادى الرحاب كل جمعة حسيت ان الرحاب حاجة غريبة ميت كمين وميت ضابط عند بوابة 13 وعند النادى خير اللهم اجعله خير ايه الموضوع طيب الاكمنة الكتيرة دى ماتطلع على الطرق السريعة وخارج الرحاب انا الصراحة حسيت ان همه بيدوروا على مجرم او مهرب مكنتش عارف تفسير وخصوصا وانته داخل الرحاب عند بوابة 13 الساعة 11 مساء الطوابير كانت بطول 500 متر تقريبا اظن ان فيه حاجة الموضوع مش عادى على ماظن فيه حاجة فى النفوس مستخبية والايام هاتظهرها يارب يكون ده للحفاظ على المدينة مش نوع من انواع اعطاء سمعة سيئة للمدينة

يا جماعة اللى معاه شوية بدره ولا حتتين سلاح
 يتوايهم فى أى حته دلوقت
وبلاش القلق اللى عملينه ده
ان شاء الله
يومين
و يعدووا
مساء الخير

طيب انا خبيت السلاح والبودرة تحت البلاطة

 

بس تفتكرو هو ده السبب؟

 

يعني مش جايين يلموا فلوس عن طريق البلطجة كالعادة؟

 

 انا سألت الضابط اللي بيوقفنا ويسأل على الرخص فيه ايه ؟ انتو بقيتو بتقلقونا من كتركم - قاللي اصل كان فيه حوار كدة - قلتله اللي حصل في السوق ؟ قاللي اه بس اطمنوا الواد اتمسك ومعاه المخدرات - وعرفت بعد كدة من صاحبتي ان في المسجد نبهوا ان فيه طفلة عندها خمس سنوات اتخطفت من امها في الفود كورت -كانو في مطعم والبنت بتلعب حوالين مامتها وفجأة اختفت وقلبوا الدنيا بس ملاقوهاش - والله اعلم

 

همه مين بالضبط رواد القهاوى يعنى انا دخلت السوق كذا مرة كده خلال زياراتى المتكررة لنادى الرحاب وشوفت القهاوى اللى هناك وحسيت انه صعب جدا الرحابيين يجلسوا عليها طبعا انا شفتها صباحا مش عارف هى مساءاا شكلها ايه بس جو السوق مايشجعش للجلوس عليها فهل هناك اى احد من الرحابيين يقوم بالجلوس على هذه القهاوى لانى الصراحة اعذرونى لست من هواة القهاوى اقترح اننا نعمل حملة كبرى لمحاربة هذا النوع من القهاوى الذى لايجلب الا كل شر مستغلين ماحدث من تجاوزات فى السوق لانه طالما الضابط المح لوجود مخدرات معنى كده ان القهاوى دى اكيد بؤرة مخدرات للشباب وفعلا الحملة الامنية اغلب تدقيقهم كان مع الشباب والشابات حفظ الله شبابنا وشباتنا من كل سؤ  

 يا خال ما بعرف ألبس غير الجلبية طول عمرنا نلبس الصديرى و ال.. و فوقهم الجلبية

 

و بعدين لو نفر حدانا من البلد شافنى لابس جميص و بنطال مثل الفرنجة طوالى راح يبلغ عمامى فى البلد يجوا يطخونى بالنار

 

بلاها الرحاب اليومين دول

 

الموضوع بكل اختصار على حسب ما أنا متهيألي انها فركة ودن صغيرة جدا لكل سكان الرحاب تفكرهم انهم مش مدينة خاصة ولا كومباوند زي الميراج أو القطامية وانها مدينة مفتوحة على البحري زي مدينة نصر وغيرها وانها تابعة لمحافظة حلوان وإنه في أي وقت ستخضع لقانون محافظة حلوان بكل معنى الكلمة، أما عن البوابات ورجال الأمن الظراف فيعني بيدخل كل مين هب ودب وزوجي العزيز علشان عربيته بالكاراج بقى لها فترة وبييجي مع زميل له بيتوقف بمنتهى القلة الذوق بأسلوب غير حضاري (انت يا ساتاذ، أيوه انت يا ساتاذ ، انت فاكر نفسك رايح فين) طبعا هو خد في جنابه بطريقة حضارية بس بعد إيه ، وإمتى حنتعلم نبقى بني آدمين، للأسف حاجة تقرف

 بيقولوا إن محافظ حلوان (المحافظ بتاعنا يعني) انتقل وجه سكن في الرحاب. وإنه واخد فيلا جنب الفودكورت. وإن دا سبب الشدة اللي حاصلة اليومين دول.

 

لم يتسنى لي التأكد من صحة الإشاعة. لو حد يقدر يأكدها يبقى مشكور وما قصر.

 

 

 اعزائي الجيران والاعضاء

 

انا حبيت بس ابلغكوا ان  المحافظ فعلا ساكن في الرحاب والل عايز يروج يشوف فيلته هيلاقيها اول شارع شمال بعد ما تدخل من بوابة 9 في اول شمال مرة تانية اخر فيلا على الشمال

 

الكل هيلاقي الحرس والكموستابل بتاعه

 

بس لجل الحق , انا كذا مرة بشوفه داخل طالع من بوابة 9 معاه بس موتوسيكل مرور مش اكتر وفي غاية من الهدوء ولا ازعرينة

 

يمكن بس بيبقى نايم في العربية ومش عايز دوشة

 

الله اعلم

 

مع الشكر

 شكرا ليك يااستاذ اشرف وانا موافقك تماما فيما قلته لكنى يأست تماما من جهاز المدينه وهو ماشى فى سكه والسكان فى طريق اخر يعنى مش حنلتقى ابدا