اولا كل عام وحضراتكم بخير بمناسبة الشهر الفضيل اعاده الله علينا وعليكم بالخير كنت انا وعدت قبل كده انى ازور الموقع علشان اطمئن على سير العمل وتقدمه بالمرحلة التاسعة والحمد لله قمت بالزيارة من كام يوم لكن لم يتاح لى الكتابة وقت الزيارة ولفيت المرحلة التاسعة بالكامل والعمل الحمد لله يسير على مايرام والمرحلة كلها شغال فيها البناء على قدم وساق واغلب العمارات مابين تم صب الدور الارضى لبعضها والاول لبعضها والدور الثانى فى بعض العمارات يعنى الحمد لله المنظر اللى شفته يطمئن ويثلج الصدر ويخلى الواحد باله مرتاح شوية اما بالنسبة لبعض السادة الاعضاء اللى كانوا اثاروا موضوع الاستلام قبل ميعاده ب6 اشهر فانا سالت مدير الموقع ممثل المالك شخصيا واكدلى ان الكلام ده مش حقيقى وان الاستلامات فى ميعادها ومافيش اى تبكير عن الميعاد لان فيه بعض الناس كانت اثارت موضوع الاستلام بدرى 6 اشهر لغرض فى نفس يعقوب الله اعلم بيه لكن فلل المرحلة التاسعة هى اللى هاتسلم فى شهر يونيو 2010 لان ده ميعادها الطبيعى وبالمناسبة المسجد بتاع المرحلة التاسعة شغال برضه البناء فيه وممثل المالك رجل مهذب جدا وصدره رحب لاى استفسار وسؤال والرد عليه ودخول الموقع للزيارة متاح من عند بوابة واحد بتسيب بطاقتك وتدخل بس غير متاح التصوير وكمان ممكن مدير المشروع يرسل معاك فرد يوريك مكان عمارتك وكل مجموعة مترقمة وكل عمارة مترقمة بصراحة الدنيا منظمة هناك جدا والحمد لله كان عندى قلق رهيب قبل الزيارة لكن الحمد لله الزيارة للموقع اراحت قلبى وطمنتنى على الامور وسيرها وطبعا كعادة المصريين فى الاشاعات سمعت اشاعة ان كارفور هايبنى فى الرحاب هل هايكون مكان المول فى المرحلة التاسعة لان ده مكان كبير جدا ولا فين بالضبط ولا دى اشاعة الله اعلم لو اى حد عنده تاكيد يدينا معلومة وربنا يوفق الجميع وكل عام والسادة الافاضل اعضاء المنتدى بخير