أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

samizahran · 13/10/2009 7:06:17 AM

اعتاد أحد المراكز التجارية بالرحاب(فرع لسلسلة سوبر ماركت) ان يقوم بتوزيع نشرة بالتخفيضات و العروض خلال عطلة نهاية الأسبوع وعند الذهاب للاستفادة من العروض تجد الأسعار أغلى حتى من أسعار السوق داخل الرحاب وعندما تسأل مثلا عن الطماطم اللى ب جنيه ونص اللى فى العرض يشاور لك على شوية أوطة معفنة و يقول لك لو عايز العرض خد من دى ,طيب وفين الجبنة الرومى اللى فى العرض؟ يقول لك خلاص خلصت مع ان لسة ما عداش كام ساعة من تاريخ العرض.يعنى الموضوع كله غش و ضحك على الناس.مش عارف هم فاكرين ان كده ممكن يعملوا بيزينس محترم؟وليه سياسة الاستهبال على الزبون دى؟أخشى أن يكونوا فاكرين نفسهم أذكياء و فاكرين ان أحنا عبط

atefalassraj · 13/10/2009 8:33:34 AM

ماتقولش عليه حاجه و لكن ......... تذكر فقط انك فى مصر

sameh_nsa · 13/10/2009 11:28:28 AM

عاوزين نعرف اسم المحل

لان فية سلسلتين مترو والمحمل

ميتهياليش انة مترو

على العموم دى السمة السائدة دلوقتى بين التجار فى مصر عدم الامانة

زمان فى بلدى طنطا كنت ساعات انزل اجيب الخضار وانا طفل 10 سنوات من خضراتى قريب من المنزل وكان الرجل يصر على ان ينتقى لى الخضار بنفسة ويعطينى افضل بضاعة عندة خوفا من انتقى انا اى ثمرة معطوبة ويقال عنة انة استغل طفولتى واعطانى بضاعة رديئة

انظروا الى تصرف الرجل البسيط الامى (بالمناسبة صعيدى) وقارونها بتصرفات المحلات السوبر

samizahran · 13/10/2009 11:47:04 AM

كل اللى أقوله لك انك صح 100% وعلى فكرة التصرف ده خلانى لا أهتم بأخذ المنشور بتاع السلسلة اياها عند توزيعه.اللى غايظنى ان هم يتعاملوا معانا كما و لو كنا بلهاء و كما لو كانوا عباقرة البيزينيس.لو رحت أى سوبر ماركت بالخارج وخصوصا السلاسل المعروفة تذهل من العروض الحقيقية مش عروض الاستهبال .و بالمناسبة أنا كمان أتفق تماما مع صاحب التعليق اللى بيقول ان التفسير للحاجات دى ان احنا فى مصر,يعنى ده مش بس عند السوبر ماركت ,لأ,ده فى كل حاجة,على سبيل المثال موجود عند الحرفيين و عند مكاتب العقارات وعند شركات السياحة اللى توعد بحاجة و عند التنفيذ تلاقى حاجة تانية خالص.والله العظيم أنا كنت فى الأول بأعترض و أتنرفز و أزعق و أقول هاتولى المدير بس فى الأخر لقيت ان ده الطبيعى وغير كده هو اللأستثناء وعلى أمثالى أن يقبلوا بالأوضاع كما هى و يتكيفوا معاها وبلاش وجع دماغ,أو تعمل اشتراك عند طبيب ضغط و سكر و ذبحات صدرية.!!!!!! ؟