و عليكم السلم ورحمة الله و بركاته  

بس هو ما ينفعش يدخلوا زوار غرباء عن المدينة اكنهم بيخدوها زي رحلة يروحو يجيبوا اكلهم و جيين يعدوا في الجنينه و يوسخوا ويلعبوا شوية ويرجعوا اكنهم طلعوا رحلة

المفروض على كل عربية بتاعت زوار يدفع مبلغ معين عليها و يتحط ضمن الصاينة

وده حل بسيط يرضي السكان اللي بيقولو فلوس الصيانة بتروح في الارض

 استاذى الفاضل انا متفق معاك ان فى صيانة وكل حاجة بس ليست كما كانت فى البداية وبعدين مهما كان حضرتك متنساش ان فية ملايين بتتلم للصيانة فهل من العدل ان واحد يشترى شقة فى مكان ويدفع تقريبا 100 جنية فى الشهر يعنى كاان الواحد بيدفع ايجار وبعدين هل من العدل ان تدفع فلوس انت لا تعلم هى رايحة فين  ولا لاذم نقول امين وخلاص ثانيا هل من المعقول قطع المياة بطريقة غير قانونية وطريقة ملتوية عشان يجبرك تدفع ولو طلبت ميزانية للى حضرتك بتدفعة محدش يعبرك يعنى الموضوع تطور وبقى فية بلطجة فى المعاملة هل حضرتك فكرت كم شقة فى المدينة وكم يجمعون بسبب هذة الصيانة المفروض حضرتك قبل ان تفكر فى دفع الصيانة تفكر هى صحيحة والمبلغ المطلوب يساوى الصيانة ام لا انا لست ضد حضرتك بس احنا ناس متعلمين والمفروض ان احنا نعرف نحسب كويس وكمان مش ضد ان احنا ندفع الصيانة .....بس فى الحدود المعقولة لان حضرتك ممكن بالنسبة ليك المبلغ تافة بس بعد كام سنة هتلاقى نفسك بتدفع كانك مقيم فى فندق خمس نجوم ولست مالك شقة عارف لية لانك دفعت بدون حساب وبدون معارضة صحيحة طبعا لان الناس فى بلدنا مبيصدقو يلاقو ناس تقول امين وبعدين مش معنى انى انا مختلف معاك ابقى ضدك ارجو عدم فهمى غلط بس الموضوع حقيقة لا يهضم وفية سرقة جامدة جدا مش بالالاف ولاكن بالملايين فاارجو استيعاب الموقف للمستقبل وشكرا

 السلام عليكم.

 بصراحة يا جماعة وخلونا نفكر بالعقل

 

 

اللى انا شايفة خارج الرحاب مخلينى حاطط ايدى على قلبى لا في يوم تبقى اكوام الزبالة متكدسة فى كل حتة

حد يقول او يتصور ان فى مصر الجديدة وعلى بعد كيلو واحد من بيت الريس اكوام الزبالة فى كل ناصية

يا جماعة احنا فى نعمة كبيرة  ودة مش معناة اننا ندفع فى غير محلة بس اللى انا شايفة فعلا اللى بندفعة قصادة خدمات وخدمات كويسة كمان

تعرفوا انى بدفع 100 جنية شهريا لشقتى الكائتة فى حلمية الزيتون للبواب وصيانة نور السلم والاسانسير وماشبة واذا عقدنا مقارنة بسيطة لكان ماحصل علية من خدمات فى الرحاب لا يقارن بما اجدة فى الحلمية لنكن عقلانين يا سادة

فالحلمية الان اصبحت مقلب زبالة كبير اختناقات مرورية فى كل شارع وزقاق باعة متجولون متسولون بلطجية ميكروباسات جار متحفز لك لكى تغلط غلطة واحدة ليفرغ كبتة عن طريق وابل من السباب والوعيد تراب وعادم سيارت يزكم الانوف وشباب واقف على الناصية ليعاكس اى سيدة من 13 سنة الى 55 سنة وصاحب محل يمنعك من الركنة امام محلة لانك تسد باب رزقة واذا فتحت بقك نلت مالا تحمد عقباة  

لنحافظ يا سادة على ما نحن فية لنحافظ على رحابنا جميلة نظيفة صحة خالية من كل تلوث صدقونى فانا كلما خرجت من الرحاب اتوق شوقا للرجوع فى قصر وقت

 فنحن امام حلين الاول ان نستمر فى الدفع الذى ارى اننا ناخذ مقابلة خدمات تتناسب مع المبلغ

يا اما نمتنع وساعتها كلنا هانصحو على مصيبة تسليم الشركة الحالية الادارة للحى وتصبح الرحاب خرابة و مش هانلولم الا نفسنا ساعتنا

 

وبرضة لازم نحط فى دمغنا كمان ان شققنا دى استثمار دفعنا فى كتير وان سبب غلو الرحاب وارتفاع اسعارها هى النظافة والاهتمام بصيانة الخضرة واتساعها  والخدمات اللى فيها   

انا مع تحديد دخول الغرباء الى المدينة وقصرة على السكان والاقارب والاصدقاء غير ذلك يكون برسوم عالية نسبيا وتوجة الحصيلة لاعمال الصيانة

 

  

 استاذى الغالى اولا اشكرك على ردك فى الموضوع الذى فعلا جايب لنا الضغط والسكر وكل الامراض واشكرك على توضيحك للارقام المفزعة وانا حسبتها قبلك ولاكن لم اضع الارقام تركت القارئ يستخدم تخيلة ولاكن كويس انك انت كتبتها صريحة ارقام فعلا فلكية والناس مش حاسة بكدة حقيقى بهنيك على تعبيراتك الصحيحة وعلى حسابتك الدقيقة ولو رجعت للى كتبتة اعلى فى الموضوع هتلاقى ان حضرتك فسرتة بالارقام وانا اتسائل مع حضرتك اين تذهب هذة الاموال محتاجين عقول تفكر وتحاسب هذا الخلل الذى يؤدى الى فساد علنى نريد ان نبحث بجادية عن اجوبة صريحة لهذة التسائلات الغير منطقية لعقولنا والمعاملة الهمجية الغير مشروعة عندك حق بس انا عندى حل بسيط جدا بما ان القانون فى صف الاقوى الحل هو مهم جدا للتعامل بة فى صدد هذة المشكلة الخطيرة وارجع واقول خطيرة جدا الموضوع محتاج محامى امين ومحاسب عقر يعملو دراسة شاملة بالارقام للموضوع وبعد الدراسة المحنكة فى هذا الموضوع يقدم كلة بالكامل الى برنامج البيت بيتك ودة كفاية لفضح هذا الفساد وياريت تدونى ارائكم فى هذا الحل بشكرك مرة تانية استاذى على صدقك فى الموضوع رغم انى المية مقطوعة من عندى من سنة بس مش مهم لانى خارج البلد الان وعند الاقامة هيبقى فية تصرف اخر بس قولى اية رائيك فى الفكرة    وشكرا

 على فكرة فى حل اخر بس لما تقولولى عل الحل السابق وشكرا

 انا شايف ان الموضوعات اللى كلنا بنتكلم حواليها من شهور هي هي وممكن نلخصها كالاتى

مصاريف الصيانه

دخول الزوار

افراد الامن

كلها موضوعات مهمه وحيويه وانكتب فيها كثير ولم ارى اى رد من القائمين على جهاز المدينه وكاننا نخاطب كيان وهمى غير موجود   الحاجه اللى فعلا تغيظ جدا هو هذا التجاهل من الجهاز مفيش اى رد على اى حاجه بتنكتب  بصراحه الناس دى لو عندها شويه احترام للسكان كانوا ردوا ولو باى كلام بس لازم يكون فى رد لاى كلام ينكتب من اى ساكن  خاصة ان السكان دول وكما يعلم الجهاز جيدا مش اى كلا م دى ناس محترمه جدا وفى مراكز مهمه فى البلد يعنى لازم يكون كلامهم محل احترام وتقدير وان يتحرك اى واحد من موظفين الجهاز بالرد علينا لكن سياسه اللامبالاه والطناش وخليهم يتكلموا زى ماهم عاوزين واحنا نعمل اللى احنا عاوزينه دى لا تصلح ولن تطول واذا كانوا هم بيعملوا اللى عوزينه فاحنا فى ايدينا ورقه ضغط عليهم حتى يسمعوا كلامنا وينفزوه بس لازم نكون كلنا يد واحده لكن هم عارفين جيدا اننا لا يمكن ان نتحد ونتخذ موقف قوى علشان كده   مش سألين لكن والله لو شافوا منا موقف جامد حيتحركو