 الضرائب العقارية
أود أن أعلم الملاك بالرحاب أن الرحاب تتبع مأمورية المعادى للضرائب
العقارية و مكانها رئاسة الحى شارع 77 المعادى بجوار مسجد الريان و طريقة الوصول اليها لمن لايريد أن يذهب بسيارته هو تاكسى من محطة مترو أنفاق المعادى وتقول للسائق أن ينزلك عند مسجد الريان وهناك ح تشوف رئاسة الحى, ومطلوب يكون معاك صورة العقد وصورة بطاقة الرقم القومى.
بالأضافة الى كدة يوجد كلام كتير انه بنص القانون تعفى المدن الجديدة والمجتمعات العمرانية الجديدة من أى ضرائب عقارية لمدة 10 سنوات من تاريخ انشاء الوحدة السكنية ومعنى كدة ان المفروض الرحاب كلها معفاه من الضرائب العقارية وسمعت ان خبراء ومحاسبين قانونيين يريدون الدفع ببطلان الضرائب على المدن الجديدة ولكن طبعا زى ما أنتم عارفين ماحدش يقدر يتنبأ باللى ح يحصل مع الحكومة الرشيدة
أيضا سمعت فى قناة الحياة أمس فى برنامج الحياة اليوم من مستشار الضرائب العقارية لوزير المالية أن اذا كان هناك فرد عنده 10شقق مثلا قيمة كل واحدة لا تتعدى ال450 ألف جنيه تتمتع كل شقة بحد الأعفاء وهكذا لا يدفع أى شئ,أما المواطن اللى عنده شقة واحده فقط ثمنها مثلا 600 ألف فيجب عليه أن يدفع الضرائب لأن الشقة تعدت حد الأعفاء ومعنى الكلام ده ان اللى عنده عقارات ب الملايين متقسمة على وحدات صغيرة لايدفع واللى عنده شقة واحدة عايش فيها وثمنها يتعدى حد الأعفاء هو ده اللى يدفع!!!!!!!مش عارف ايه دستورية القانون ده مع موقف زى ده
|
