ليه اختلاق المشاكل على الفاضى والمليان؟!من المعروف منذ فترة ليست قصيرة أن دخول الأجرة والنقل و نصف النقل عن طريق بوابة 13 فقط,وذلك لاحكام الأمن بالمدينة. يعنى أيه المشكلة ان سيادة المالك الموقر يطلب من سائق السيارة أن يدخل من بوابة 13. أليس ذلك من مصلحتنا جميعا؟!رجاء أن يتوقف البعض من الملاك عن أن يتصوروا أنهم بامتلاكهم الوحدات السكنية يستطيعون أن يخالفوا أى قواعد بالمدينة. وأنا هنا لا ألوم السيد المالك المحتج بقدر ما ألوم مدير الأمن الذى ضعف أمام الصوت العالى من المالك وتنازل عن تنفيذ الأوامر الصادرة اليه.رجاء أن يكف الملاك عن النرجسية الفارغة التى تجعلهم يشعرون أنهم غير باقى الناس!!!!!

 مش عارفة حضرتك مالك متضايق قوي من السكان ليه كده ومتحيز يعني للجهاز بشكل واضح وغير حقاني وعلي فكرة سكان الرحاب بيحبوا يطبقوا النظام لما فعلا يبقي فيه نظام وللمعرفة دخول سيارات النقل والاثاث كان دخولها من بوابة 17 وكمان بوابة 9 أو 6 تقريبا حتي في هناك كشك خاص بالعمال وسائقي النقل بياخد رخصهم يعني الساكن ماغلطش هو طلب اللي كان بيحصل فعلا قبل كده ومفيش عربية بتدخل ابدا من بوابة 13 الرئيسية وكان في يافطة موجودة علي مدخل 13 ممنوع دخول النقل والدخول عن طريق 17 و9 هو الجهاز كل شوية بيغير علي مزاج أهله وبيدور ازاي يستفز السكان ويضايقهم وبدل مايعمل انه بتاع نظام يدور علي المخالفات المرورية الخطيرة اللي بيرتكبها موتسكيلات الدليفري وباصات المدارس وسيارات النقل وبعض الملاكي في جميع الاوقات مخالفين في الميادين وعكس الاتجاه وماتقوليش انه بيعمل حاجة لاني بشوف المخالفات يومية ومتكررة ومتزايدة بوضوح وفي عز الميادين الزحمة ومنها ميدان الفود كورت وميدان المدرسة البريطاني يعني هو الجهاز مش عاوز نظام هو عاوز يفرض أوامر والسكان حاضر ياافندم تحت أمرك بس لا احنا أسفين جدا الرحاب بتاعتنا مش بتاعتهم ومش حيجي واحد غريب في ملكي ويأمرني هو بس بيجي في الهايفة ويتصدر تعال شوف عندنا من مجموعة 60 الي 65 شوف الطرق متكسرة ازاي من أعمال الغاز ودخلت في شهرين ومفيش أي محاولة للتصليح المنطقة عندنا ماتفرقش تماما عن اي شارع في الحي العاشر والارصفة متكسرة والجناين اصبحت رمال صفراء وفي الاخر تقولي الجهاز والسكان الجهاز عاوز بس حقوقه كاملة ومش عاوز يعمل واجباته بالمرة  

و أخيرا أخى أو أختى الكريمة كل منا يحاول أن يرصد السلبيات الموجودة بالمدينة سواء من الجهاز أو الملاك رغبة فى تفاديها لمصلحتنا جميعا .

 كلام حضرتك مظبوط جدا أنا عانيت برده من مشاكل الجيران وصلحت حاجات علي حسابي خربها السكان ومافكرتش ساعتها أطلب أي حاجة من الجهاز لاني عارفة فعلا ان مش ذنبهم المشكلة دلوقتي ان الوضع تفشي أهمال من السكان واهمال واستعباط واستغلال من الجهاز احنا بنتمني ان الجهاز يكون فعلا حقاني وعاوز مصلحة المدينة زي أيام هشام طلعت مصطفي وساعتها بعون الله السكان المخربين دول حيبقوا واضحين ومنبوذين من أغلبية السكان والجهاز كمان ساعتها فعلا ممكن نتوصل لحل لكن طول مافي طبقة من السكان مهملين وشايف الجهاز كمان مش فارقة معاه حيزيد من تخريبه ويقول ماهي بايظة بايظة واحنا اللي ضايعين في النص احنا عاوزين نظام واضح وسليم يمشي علي الكل السكان والجهاز وربنا معانا