السلام عليكم

ياترى انتي متأكده ان خدمة البيئة هم اللي بيقوموا بالحكاية دي؟؟؟؟!!!

لأن انا عندي في مجموعتي قطط كتير وماحدش بيموتها .. وطبعا مش عاوزة حد يموتها لأنها مش بتضر حد

بس انا عاوزة نتأكد انه مش حد من السكان في مجموعتك اللي بيعمل كده

لأني في مجموعتي والمجموعات اللي حواليا ماشفتش قطط ميته

ياريت تتأكدي وانا معاكي ممكن نسأل الأستاذ سامي زكي أو اي حد من المسئولين في خدمة البيئة

تحياتي

 

اخوانى اخواتى

 

  انا مع الجهاز لو هو فعلا الى بيعمل كده و دى ممكن تكون اول حاجه مفيده اسمع ان الجهاز بيعملها ، الحريه لها حدود ، يعنى مكونش ماشى مع ابنى او بنتى و الاقى  حيوان كبير شبه الكلب و متساب ال ايه علشان ميتخنقش فى البيت ، طيب يا عم اقعد انا و اتخنق فى البيت علشان خاطر سيادتك تنبسط .

 

ده غير النباح طول النهار و الليل حاجه تفرح

 

انا مبدئى ان حريتك تنتهى عند حرية الاخرين ، بمعنى ان الى عايز يربى كلب و يتفشخر بيه  وسط ولاده و صحابه يروح ياخد فيلا فى الشروق و يطلق الكب  ذى ما هوا عايز و لو صوته راح من كثره النباح يديله ينسون كمان

 

و توته توته فرغت الحدوته

   

 أخى الكريم ياريت يكون كلامك صحيح ويكون الجهاز أخيرا قام بأتخاذ أجرا فى مواجهة الحيوانات الضاله والسائبة لأننى أحب أن أذكرك أن صديقى يسكن أمام النادى وهاجمه كلب تركه صاحبه بدون رقابة مما أدى الى اصابة صديقى بأصابات أستلزمت حجزه بالمستشفى لمدة ثلاثة أيام.

أخى أى حد لابد أن يعلم أن حريته تنتهى عند بداية حدود حرية الآخرين ونرجوكم عدم ترك الحيوانات بدون رقابه وتقيد

انتى الوحيدة اللى حسستينى ان ما زال هناك رحمة فى قلوب الناس ابشرى لان الرحماء يرحمهم الله بصى يا ستى القصة بتاعت السم دى انا سمعتها من واحدة بتشتغل فى الطب البيطرى من كام سنة وكنت فاكرة انها بتالف لكن والله والله شهر 12 الماضى كنت انا متعودة اضع بواقى الاكل للقطط اللى بيقعدوا فى مجموعتى وهى مجموعة 8 وصحيت الصبح الساعة تسعة لقيت المحترم منتظر لما يطلعوا فى الروح وبعدين يشيلهم وكانوا قطتين ماشى انا افتكرتهم ماتوا لاى سبب ومفهمتش ان الشخص ده من البيئة شويه ولقيت جوزى جاى يقول لى ان قطتين اخرين ميتين فى مجموعة حولنا وشافهم وهو جاى من صلاة الفجر عرفتى بقى انت مش بتشوفيهم ليه لانهم لازم يداروا العملة السودة دى ولولا ان صاحبتى قالت لى ما كنتش هعرف وعلى فكرة انا بتكلم على القطط مش الكلاب لان الكلب له اضرار انما القطة تقول لها هش تمشى وكمان انا بتكلم على طريقة الموتة ولكن لا اتكلم على ان فى ناس مش بتحبهم ومن حقهم يخافوا منه لكن يا جماعة فى بلاد الكفر والله ما بيعملوا كده المهم يا سومة ان زوجى وانا روحنا لحماية البيئة وكان يوم سىء وقالوا ان دى اوامر من سامى زكى وبالمناسبة انا لسة مكلماهم من يومين علشان اشوف  بعد ما اتخانئنا معاهم لسه بيعملوا كده قال لى واحد اسمه فايز لو عايزه الموضوع داه يقف قابلى الاستاذ سامى زكى وعلى فكرة ايضا احنا كلمنا سامى زكى قال ان الشكاوى بتيجى علشان كده بيعمل كده هل من وجهة نظرك المفروض انى اشوف حيوان بيتعذب وهو بيموت واسكت يا ريت اسمع تعليقك على كل داه ربنا يكرمك ويكثر من امثالك ويا ريت نعرف نعمل حاجة   

 ايها النجم الثاقب زي ماحضرتك شايفة

انا وانتي بس اللي زعلانين على القطط

الباقي بيقدم شكاوي ... 

يعني الموضوع خلاص للأسف بناءا على طلب الجماهير بيقتلوا القطط

بس انا فعلا مش هسكت وهحاول اقابل الأستاذ سامي زكي وافكره ان القتل فقط للموبقات وعليه ان يتحمل الذنب هو ومن يطالب بقتلهم

ياريت بس الناس تعرف ان الدنيا خلقها ربنا سبحانه وتعالى متوازنه .. ووجود هذه الحيوانات له ضرورة يعلمها هو سبحانه وتعالى

والله المستعان 

 

 

وانا فاهم حضرتك كويس سيادتك بتتكلمي عن القطط وكتبتيها واضحه ق ط ه ولم يذكر احد شيئا عن الكلاب ك ل ب هناك اختلاف كبير لأن كثير من القطط في المجموعات تتكاثر وليس ليها صاحب لكن الكلاب اذكياء ومعظم اصحابهم لا يتركونهم أما الكلاب التي قد تضر وليس لها صاحب فليخرجوها من المدينه وان كانت مضره يسلموها للجهات تتصرف معها كما هو معمول به وليس تنفيذ حكم الاعدام بهذا الشكل واذا قبلنا بذلك فلنقبل بتنفيذ الأحكام علي المخالفين من البشر فورا بمجرد قيامهم بارتكاب جرائمهم دون قانون ولا دفاع ولا رحمه - عارفيين وصلنا كده ليه علشان الرحمه اتنزعت من قلوبنا وبالتالي لم نعد نستحق رحمه ربنا بما فعل السفهاء منا وحسبي الله ونعم الوكيل   

 خالف تعرف

 

 

بدون تعليق

 

 

اختارت الهيئة الدولية ليوم الحيوان العالمي أمينة أباظة، رئيس أول جمعية لحماية حقوق الحيوان، لتكون سفيرة

مصر في هذا المجال لعام ٢٠٠٨، وكانت أمينة قد حظيت بتكريم إحدي أشهر المؤسسات الألمانية لكونها أول من أسس جمعية لحماية الحيوان في مصر عام ٢٠٠١.

في هذا الحوار كشفت أمينة عن العديد من الانتهاكات والصعوبات التي تواجهها في نشر ثقافة الرفق بالحيوان في مصر.

* لماذا تم اختيارك سفيرة عن مصر لحقوق الحيوان؟

- لأنني أول من تجرأت وطالبت بإنشاء جمعية تدعو للرفق بالحيوان، كما أنني أسعي جاهدة علي مدار ٨ سنوات لنشر تلك الثقافة.

* ولماذا تعتبرين ذلك نوعاً من الجرأة؟

- لأن المطالبة بتطبيق حقوق الحيوان التي تعد في الأصل حقوقاً سماوية ينظر إليها في الثقافة المصرية علي أنها «هيافة».

* ما أهم معوقات نشر تلك الثقافة في مصر في رأيك؟

- غياب ثقافة الرحمة علي جميع المستويات، وهو ما تؤكده إحصاءات الجرائم البشعة التي ترتكب داخل المجتمع المصري، بل وداخل الأسر المصرية.

* ما تقييمك لدور الدولة في نشر تلك الثقافة؟

- تكفي الإشارة إلي أن نسبة قوانين حماية حقوق الحيوان في مصر تمثل ١% مقارنة بحجم تلك القوانين علي المستوي العالمي، ويكفي أن نقول إن ميزانية الدولة بأكملها لا يوجد فيها بند واحد لدعم ثقافة الرفق بالحيوان.

* لعبت الجمعية دوراً في كشف تجاوزات التعامل مع الحيوانات أثناء الذبح داخل المجازر فكيف كان ذلك؟

- صورنا ثلاثة شرائط فيديو عام ٢٠٠٦، في أحد المجازر الحكومية، كشفت أساليب المعاملة الوحشية للحيوانات قبل الذبح، ومنها دفع البهائم بالسكين في عينها أو فتحة الشرج تجاه موقع الذبح، ثم توجهت بهذه الشرائط لعرضها علي وزير الزراعة، ولكنه أخذ ينفي حدوث ذلك واتهم المصورين بالخونة، خاصة بعد أن امتنعت أستراليا عن تصدير الماشية الحية لمصر.

* ما الأشكال الأخري لانتهاك حقوق الحيوان في مصر؟

- الحيوان في مصر مصدر «لفش غل المصريين» فلا توجد شرطة تدافع عنه ولا جهة حقوقية تطالب بالرفق به، لدرجة أن تعذيب الحيوانات أصبح هواية، خاصة بين الأطفال في المناطق العشوائية، وعندما يفكر مواطن في تقديم بلاغ ضد شخص يتعامل بقسوة مع حيوان يتهمه رجال الشرطة بالجنون، وهي مواقف تعرضت لها شخصياً، عندما حاولت الإبلاغ عن عربجي يعذب حماره فوصفني ضابط الشرطة بالجنون، ورد علي قائلاً «حماره وهو حر فيه».

* كيف تحاول الجمعية الحد من تلك الممارسات؟

- تسعي الجمعية لتقديم الدعم المادي والمعنوي للحيوانات وأصحابها، خاصة الدعم الصحي.

* لماذا تراجع الدور البيطري في مصر من وجهة نظرك؟

- بسبب الإحباط الشديد الذي يعاني منه الأطباء البيطريون، فوسائل الإعلام تتعمد تشويه صورتهم في الأعمال الدرامية، وتقلل من شأنهم.

* كيف ترين مستوي حملات التوعية بالرفق بالحيوان في الإعلام المصري خاصة التليفزيون؟

- في إحدي المرات عرضنا علي المسؤولين بالتليفزيون إطلاق حملة للتوعية بالرفق بالحيوان، لكنهم طلبوا منا مبلغاً وقدره، فعجزنا عن توفيره، وفشلت الحملة قبل أن تبدأ.

* لماذا لا تلجأ الجمعية لكبار المفكرين والسياسيين والفنانين لدعم أنشطتها؟

- لا يمكنني إنكار اشتراك العديد من رجال الفن والسياسة والدين في بعض الأنشطة التي نقوم بها، لكنهم جميعاً يرغبون في أداء ذلك بعيداً عن الأضواء، لتخوفهم من أن يصنفوا ضمن «الهايفين»، الذين يدافعون عن حقوق الحيوان.

* ما رأيك في معاملة الحيوانات بحديقة الحيوان بالجيزة؟

- لا ننكر أن إدارة الحديقة بدأت تستجيب لحملات الرفق بالحيوان، ولكنها مازالت بحاجة لإدخال بعض التعديلات، منها توسيع أقفاص الحيوانات الضخمة، وتشديد الرقابة علي الحراس والزائرين، والامتناع تماماً عن أسلوب تجويع الحمير، التي يتغذي عليها الأسود بعد ذبحها، حيث يتم تجويع تلك الحمير لفترات تصل لخمسة أيام متواصلة، بحجة أنه سيتم ذبحها.

* متي تصبح مصر دولة تحترم مبادئ الرفق بالحيوان؟

- رغم الأضرار الاقتصادية التي تلحق بنا بسبب نشر بعض السياح علي الإنترنت صوراً ترصد انتهاكات الحيوان في مصر، فإننا نحتاج علي الأقل ١٠٠ عام حتي تحترم مصر حقوق الحيوان.

عزيزتى سومة احبك فى الله لقد قرات بعض مواضيعك على الموقع واعجبتنى كثيرا ويا ريت يكون فى بيننا صداقة ان شاء الله اى نعم انا مش كاتبه اى حاجة الا الكلام والشكاوى عن الموضوع اللى باللك منه بلاش اقول هو ايه احسن الاقى المدافع الرشاشة توجهت لى ولكن يا سومة انا كنت فرحانة اننا سوف نصنع شىء سويا وناخذ الاجر ان شاء الله لان بصراحة ربنا الواحد تعب من كثرة ما يراه من اخطاء ويعمل حساب للناس ولللاسف الواحد هيتحاسب لوحده مش هيبقى معاه اى حد من اللى هو عاملهم حساب فى الدنيا ما علينا لو عدد مشاركاتك وصل للنسبة التى يمكن ان تبعثى لى ايميللك وانا وانتى نتعاون مع بعض فى اى مشكلة وايضا على فكره انا محفظة قرءان ولو عايزة ايضا نسمع لبعض او لو عايزه تتعلمى اى شىء فى القرءان انا تحت امرك ربنا يجمعنا فى الخير ومنتظره ردك  

 أحبك الله الذي احببتيني فيه ..

واولا عرضك لايرد .. ربنا يجمعنا دايما على القرأن

ثانيا انا بحاول اتأكد وان شاء الله خير

أشكرك جدا على التواصل

في أمان الله

اعتذر لك يا استاذ ايمن انى رديت على كل الذين كتبوا لى فى هذا الموضوع ولم ارد على حضرتك انا اسفة جدا والله ولكن انا شعرت ان حضرتك متاذى من حاجات كثيرة فى الدنيا وانك مثلى تشعر انك تنفخ فى اربه مقطوعة وبالتالى انا اصلا يائسة ومحبطة لانى نفسى اعمل حاجة فى هذا الشان ولكن لم اجد من يعيننى ولكنى لم ولن اياس ان شاء اللـــــــــــه لانى احفظ القرءان واعلم ان الحق غالب غالب ولكن ربنى يختبر صبر الواحد وقوة تحمله واكيد حضرتك تذكر الحديث الجميل: الذى يخالط الناس ويصبر على اذاهم خير ممن لايخالط الناس ولا يصبر على اذاهم وانا الان اصبر على ازاهم واحاول ان اوصل لهم ان اللــــــــــه سبحانه وتعالى وضع كلمة الرحمن فى اسمه مع ان من اسمائه ايضا الجبار والمتكبر والحى واسماء اخرى كثيره ولكننا اذا اردنا ان نقول اسم الله على اى شىء فاننا نقول بسم الله الرحمن الرحيم فهو يرحم الصغير والكبير والعاصى والمهتدى وكلنا جميعا نعيش فى ظل رحمته فكيف يرحمنا هو ونحن لا نرحم مخلوقاته التى لم يامرنا هو بقتلها او بان نؤذيها ما دامت لم تؤذينا ما علينا لو حضرتك تعرف تكتب لاى جهة فى المدينة او خارجها بخصوص التعاون فى هذا الامر وانا ذى ما حضرتك شوفت سالت الاستاذ ماتريكس عن مصدر معلوماته وكمان انا حصلت على فتوى بخصوص هذا الموضوع وساضعها على الموقع واشكر لك ايجابيتك وتعاونك حتى لو اعتبرنا الاخرون انا وحضرتك والاستاذه سومه والاستاذ ماتريكس حتى لو اعتبرونا ناس فاضيين وان شاء الله انا حاسه اننا هنعمل حاجة وكمان كل لما نشوف شىء غلط مش هنسكت عليه واذكرك واذكرهم ونفسى بقول الله تعالى( ولتكن منكم امة يدعون الى الخير ويأمرون بالمعروف وينهون عن المنكر واولئك هم المفلحون.بالمناسبة ما اسم السورة التى ذكرت فيها الاية مع كتابة ءايتين بعدها دون النظر فى المصحف وهذا سؤال عام للى حافظ وعايز يختبر نفسه .