سيدي الفاضل

المهم ان تكمل للنهاية اعمل المحضر في الجهاز مش في فرد الامن

لا تترك الرحاب ليتركوها هم

 

 

 الاخ المحترم

ابلغك اسفي علي اللي حصل معاك والحمد الله  انك قدرت تهزئهم وتعمل محضر البلطجية دول بس ماانصحكش بمقابلة بكري لانه انسان ***بالمنظر الجميل  وغير ملتزم باي كلمة بيقولها انا جربته من السنة اللي فاتت انا ساكنة جنب حضرتك في 60 4 اطلب منه تغيير لمبات السلم المحروقة يقعد اسبوع عشان يغيرها بعد مااكلمه تاني ده غير الزراعة والنظافة والاسفلت المنطقة عندنا اصبحت عزبة وهو مش حاسس حتي ان المنظر مشوه وكلمته كتير واشتكيته اكتر ومفيش فايدة الجهاز دلوقتي فعلا عاوز اتحاد من جميع السكان وعاوز السكان كله يتعامل معه بنفس اسلوبه بالبلطجة لغاية مايحترم السكان ويقف وقفة ويشوف ايه طلباته وربنا معانا

اولا بشكر حضراتكم جداا واستاذ اشرف معاك كل الحق اما بالنى للاخت الفاضلة عميد بكرى انا اتكلمت معاة و هو عمال يعتذر ويتاسف بس انا عايز اقولكم حاجة الناس دية انا اكتشف ان الطلب منهم بادب او معاملتهم باحترام هى الى بطمعهم فينا دة والله كلام رئيس المباحث الى كان متحمس جداا لمشكلتى والله من دلوقتى محطلب لمبة تغير غير بمنتهى قلت الادب مع ان دة مش اسلوبى بس انا وجدت ان الاسلوب دة نجح جداااااا وبشكل كبير معاهم اقسم ليكم ان عميد بكرى الى انتى بتشتكى منة دة كان عايز يبوس راسى و لما جابولى العجلة مستعملة قلتلة لا عايزها جديدة و تكون بالسلوفانة بتاعتها ومعاها فاتورة الشر كمان قالى حاضر تحت امرك عارفين لية لانة عارف او اخد انطباع انى مش حسيب حقى وحاخدة بادب او بقلة ادب هى الناس دية كدة بالنسبة لللاسفلت فى المجموعة بتاعتنا دة حضرتك عشان شركة الغاز مش بتسفلت كل الاماكن غير لما تنتهى من التوصيل تماما عشان لو حصل مشكلة ميحتاجش انة يحفر تانى ودية حقيقة انا عارفها مجرد ما الغاز يدخل المرحلة بتاعتنا الشركة حتكمل الاسفلت بالنسبة للجناين هما معترفين بالتقصير هو حكى معايا كتير و انشاء الله فى موضوع تانى احكى باستفاضة ردود الجهاز عن تساؤلاتى معاهم بس الاهم والله انى عايز انقلكم خبرتى من التعامل مع الناس دية وبالذات رئيس الجهاز الى كان واقف قدامى مش عارف يرد اما الولد بتاع الامن دة الى انا مش قادر افهمة طب هو كسب اية ماهو اتغرم تمن عجلة جديدة فية حد يوصل بية السذاجة انة يسرق فى ورديتة طب ماهو اذى نفسة عموما انا طلبت تغيرة وقولت لعميد بكرى لو شوفت الواد دة تانى انا حاجى اشتمك قصاد الناس فى المجموعة وتحمل شكلك ساعتها وقالى انة حيمشوا الولد دة

 

استاذ اشرف :

 

انا بتفق معاك فى كل كلمة وانا من دلوقتى مش حكون سلبى و قدمت شكوى ضد الجهاز و حبعمل محضر تانى للامن فى الجهاز وانا اعرف رئيس نيابة السويس و اوعدك انى مش حسيبهم بس انا ظابط القسم قالى ان بتوع الامن بياخدوا مرتبات عالية مش زى ما احنا فاكرين و عموما برضو انا عايز اقول حاجة عشان مكنش متجنى على حد بس هما مش هيئة تنفيذية زى ظابط الشرطة بمعنى ان انت لو ماشى مخالف هل هو يقدر كفرد امن او جهاز انة يمنعك لا طبعا احنا وقفتنا ضدهم تكون فى تدنى الصيانة فى الخمسة جنية الى معرفش مين من السكان جالة قلب انة يختارها هو دة الى يكون اتجاهنا فية معاهم عارف المشكلة فى اية فى المهندس الى خطط موقع الفود كورت فى مدينتى كل الخدمات دية برة المدينة مش جواها المناطق السكنية محاطة بسور بعيد عن الاماكن الترفيهية الى هى خارج المدينة حاجة تانة عايز اخد رائ حضرتك فيها لما الرحاب فيها المستشار ممدوح مرعى ومش عارف مين وكل الناس المهمة دية ازاى هما ساكتين على دة بجد نفسى افهم ازاى ساكتين على تجاوزات الجهاز هو الجهاز دة حكومة زى حكومة احمد نظيف مثلا

1.أولا أقول لصاحب الشكوى ألف مبروك لرجوع الحق اليك
2.معظم من جاء للسكنى بالرحاب وليس للاستثمار و الفشخرة,جاءوا للهرب من باقى أحياء القاهرة حيث التدنى الأخلاقى و سيطرة البلطجة على الحياة اليومية.
3. صدمت عندما قرأت فى هذا الموضوع أنه لاينفع الذوق و الأدب مع القائمين على أمور مدينتنا وبالتالى لا بد من الزعيق و علو الصوت والتهديد بوجود ظهر وراءنا يمكن اللجوء اليه عند اللزوم
4. ان كان الحال أصبح على هذا النحو , اذا ماذا يفعل اللى لايعرف يزعق ولا يهدد وليس عنده ظهر يلجأ اليه وحتى لو وجد هذا الظهر فهو يستحى و يأنف من طلب خدمة منه
5. الأجابة هو اما أن يؤجر بلطجية يأخذوا له حقه أو فليذهب الى الجحيم وطالما أنه لا يعرف بلطجيه يؤجرهم, اذا ليس أمامه الا الجحيم
6. لا أظن أ، الجهاز أ, فرد الأمن سيتحمل أيهما تعريفة من ثمن العجلة المسروقة بل سيتم تدبيرها من بنود أخرى نمولها نحن ساكنى المدينة,و بالتالى لا تستبعدوا أن تتكرر مثل هذه الحوادث بنفس الطريقة أو بطريقة مشابهة
7.أمام عمارتنا بالمجموعة الرابعة فرد يأتى من خارج المدينه ليلا ليركن التاكسى الخاص به أمام المواقف المخصصة لسياراتنا ويغيب لمدة أسبوع أو عشرة أيام ثم يحضر ويأخذ التاكسى بنفس الطريقة وبسؤال أفراد الأمن يقولون لك مش عارفين
8.الجار الذى يسكن فوقى قام بتركيب تكييفات فى أماكن مخالفة مما تسبب فى حدوث الضرر لى وبشقتى وعندما لجأت الى العميد المسئول عن أمن المنطقة طالبا منه وقف تركيب المكيفات, بالفعل حضر و تحدث مع صاحب الشقة اللى فوقى , ثم  ذهب و لم أسمع منه أو عنه بعد ذلك. حتى الأن مازلت أعانى من هذه المكيفات ولا أعلم ماذا يمكننى أن أفعل.لا أستطيع شكوى جارى بالأقسام و نقط البوليس لأنه جارى  ولا أستطيع اللجوء للعميد لأنه ثبت لى أنه لا يقدم ولا يؤخر.
9.اذاً الأمن بالرحاب لا يختلف عن الأمن خارجها ,بالعكس السرقات بالرحاب أسهل لأنها منطقة مغلقة وهادئه و من السهل مراقبة الشقق والبيوت بها لسرقتها فيما بعد
10.النتيجة من ذلك كله:المشكلة الحقيقية هى فى الثقافة التى تسيطر على مجتمعنا.ثقافة البلطجة واللى مالوش ظهر ينضرب على بطنه, وانت عارف انت بتكلم مين,وثقافة الصوت العالى و الجعير ,و حأكلم بابى اللى يعرف مدير أمن مش عارف أيه, أو أونكل رئيس مجلس ادارة مش عارف مين.
11.رجاء من أعضاء الموقع الموقرين, ان كنتم بنتم مثلى أحلاما بالعيش بالرحاب بطريقة انسانيه راقيه ,تشبه الطريفة التى يعيش بها الناس فى بلدان أخرى زورتموها أو رأيتموها على شاشات التليفزيون,أقول لكم أفيقوا من حلمكم ولا تبنوا قصورا فى الهواء فالرحاب ان أجلا أو عاجلا هى جزء من نسيج المجتمع الذى نعيشه من سنوات بطول عمرنا
وشكرا

 

 

 استاذ اشرف العزيز فعلان

 

اشكرك واتفق معاك فاكلعادة اراءك هى الى شجعتنى على التسجيل فى المنتدى مع المشكلة الى مريت بيها واستاذ سامى انا عشت فى المانيا فترة وعايز اقولك انى مهندس استشارى وانا عمرى والله ماكان اسلوبى الصوت العالى بس لما تحس ان الى قدامك وبيسمع شكواك وهو الى مسؤل عن امنك بيكلمك بمنتهى الاستهتار كأن الى حصلك دة شىء عادى وانا جيت الرحاب هروب من قرف القاهرة عايز اقولك ان زوجتى حتى الان مصدومة من الى حصل عارف يعنى اية تنزل الصبح تروح شغلك تلاقى عربيتك العجلة اتسرقت وطبعا متخيل العطلة وضياع الوقت   كان لازم اعمل دة عشان انت مش شوفت الاسلوب بتاعهم كان عامل ازاى والسؤال يا استاذ سامى الى كان شاغلنى وانا بكلمهم هو انا بدفع فلوس صيانة وامن عشان اتسرق والله جديدة فعلان انى ادفع عشان اتسرق  الاستاذ اشرف قال الكلام الصح  رأس الاخطاء كلها وانا شايف ان المشكلة فى رئيس الجهاز الحالى

 

 الأخوة الأعزاء مهندس محمد نبيل والأستاذ أشرف فهمى