السلام عليكم

ان شاء الله يتم التسليم ... هو عادة المهندسين واللي في الموقع لا يبوحوا باي تصريحات خوفا من انها تتمسك عليهم... انا النهارده الحمدلله رحت استلم شقتنا اللي في الخامسه .. الحمدلله كان موعدها النهارده .. رحت لقيتها قدامها شوية تشطيبات بسيطه .. يعني قدامها اسبوع بالكتير ... ولقيتهم من نفسهم بيعيدوا جزء في المحارة ... في ركنه .. سألت المشرف على الموقع قالي كانت المحارة وحشه فعدناها .. اكيد ان شاء الله هنراجعها كلها قبل الأستلام .. وعقبالكم

 ربنا يخليك .. وان شاء الله نباركلك قريب  كل تأخيره وفيها خيره ان شاء الله

كنا عاوزين نفرح شوية انا واولادى بالاستلام فى الميعاد بس كل حاجة بميعاد

 ان شاء الله عن قريب تفرحوا جميعا .. وربنا يجمعكم فيها لى خير وسعاده... حضرتك ساكن بره الرحاب حاليا ؟؟؟

نعم اسكن خارج الرحاب وفى انتظار السكن بالرحاب ان شاء الله وزى ماحضرتك قولتى محتاجين شوية تغيير فى الموقع لانى ملاحظ الناس بتطفش من الموقع والله فى الفترة الجاية هاكون محتاج خبرات الناس فى الالوان للحوائط وانواع الديكورات والعفش واحسن ناس اشترى منها وتكون احسن وارخص والمفروشات وخلافه هاترك الموضوع لزوجتى لان ذوقها احسن منى بس هاكون محتاج اعاونها شوية فى الموضوع ده واكيد بقى هاتسبقينا فى تشطيب شقتك ان شاء الله فاهتفدينا بافكارك  

 يعني حضرتك معايا ان الناس بتطفش من الموقع .. طيب الحمدلله لأن يبصراحه بدأت أشك اني انا اللي غلطانه !!!

ان شاء الله ترتب كل شيء .. بالنسبه للموبيليا في محلات كتير بس دا يتوقف على امكانيات كل واحد ... يعني في مفكو حلوان اسمع انها كويسه .... وكمان في ماستر بيس في جزيرة العرب .. انا اشتريت منه ...

انا شخصيا مش بحب ديكورات كتير في البيت ... عشان الزحمة مهما كانت الشقق مش واسعه بالدرجه..عشان كده مش هعمل ديكورات هكتفي باللوحات الفنيه  والستاير مثلا

واكيد كل واحد له زوق معين ... فلولا اختلافنا لبارت السلع

 

تمنياتي لك ولزوجتك الكريمة واولادك بالسعادة

نصيحه للجار العزيز الذهاب لمعرض لو مارشيه حتى لو مش حتشترى من هناك لكن حتعرف ايه الجديد فى عالم الديكور والموبيليا وانا اعتقد ان هناك الواحد ممكن يكون ذوق جديد بمعنى لو انت بتحب دايما يكون بيتك ستيل ممكن فى معرض زى ده تشوف حاجه تخليك تقول اه والله ما المودرن حلو اهو ... وبالتوفيق ان شاءالله

لو حضرتك ياستاذ ابو ادم وصفتلى مكان معرض لومارشيه اللى حضرتك قولتلى عليه اكون شاكر افضالك واشكرك ايضا يادكتورة سومة وانا عارف ان مفكو حلوان حاجة هايلة اتعاملت معاه قبل كده وناوى ابداء بيه ان شاء الله وانا ان شاء الله ناوى يكون بيتى اقل ديكور ممكن علشان الزحمة

 انا اتفق مع انه من المستحيل عمليا تسليم اى شئ فى المرحلة التاسعة قبل يوليو 2011 وذلك بناءا على خبرتى فى مجال الانشاءات. الاهم ان اكتمال الخدمات والبنية التحتية سوف ياخذ وقتا اطول بحيث ان المرحلة التاسعة - فى تقديرى - لن تكون صالحة للسكن قبل 2012 باى حال من الاحوال.

 

حسبى الله ونعم الوكيل فى مجموعة طلعت مصطفى.

عاوزين نتابع مع ادارة التسليمات يادكتور تامر وانا عن نفسى هافضل وراهم بالاتصالات والزن واعرف اى مواعيد جديد واى جديد ان شاء الله هاكتبه على الموقع ولو انى عارف انهم هايفضلوا ماسكين على حكاية ان الاستلام فى شهر ابريل الى ان ياتى منتصف شهر مارس او اخره ثم وقتها يقوموا بصدمتنا بالموعد الجديد فى عضو فى المجموعة رقم 130 كان ناوى يرفع قضية وساب الميل بتاعه وطلب من حاجزى المجموعة 130 تحديدا الراغبين فى مشاركته برفع قضية لتاخر الاستلام ياترى حد عارف وصلوا لايه ويادكتور تامر اتمنى انى انا وحضرتك نستمر فى المتابعة وتسجيل اى جديد بخصوص هذا الشان على الموقع لان هناك الكثير من الحاجزين فى المرحلة التاسعة  امثالنا ولكنهم يقيمون خارج مصر ومتشوقون لمعرفة اى جديد عن المرحلة والموقع هنا نافذة لهم لمعرفة ذلك 

 

 لازم أشكر سيادتك على اهتمامك وتعريفنا بالجديد لاننى مقيم خارج مصر وبعتمد على الاعضاء الافاضل زى سيادتك فى معرفة التطورات-

من متابعتى لمشاركاتك واضح اننا هنكون جيران وده شرف لى

أنا شقتى ان شاء الله هتكون فى المجموعة 134

ربنا يكرمك ونعم الجيرة وان شاء الله اى تطور فى سير الاعمال هادونه على طول انا حاجز فى  المجموعة 131 وانا طبعا مقدر ان بعدكم خارج مصر بيخليكم محتاجين اى معلومة للاطمئنان