اكيد مصر مش هتتغير فى شهرين

صعب ميراث 30 سنة يتغير بسهولة

 

بس من الحاجات الجميلة اللى حصلت نتيجة الثورة

ان مفيش حد هيقدر يستغلك الا لو انتى سمحتيله

محدش هيقدر يفرض عليكى حاجة بالعافية

 

و من الحاجات الاجمل

ان المصريين بدوا يتكلموا فى المستقبل السياسى و الانتخابات

و بطلنا نتكلم  فى المسلسلات و الافلام

و نتخانق على المباريات

 

واحدو واحدة الدنيا هتتغير

 

احنا زى ماعملنا ثورة غيرت النظام فى 18 يوم محتاجين ثورة نغير فيها سلوكنا كلنا للاحسن لان للاسف احنا غيرنا النطام بس عاوزين كمان نغير انفسنا ونغير سلوكنا ونغير سلبيتنا بس الحاجات دى عاوزة صبر ومصابرة ومثابرة وللاسف امن الرحاب يفتقد الحس الامنى ويفتقد اشياء كثيرة وعاوزين نلغى كلمة معلش وكلمة اصل من قاموسنا دى من ضمن الكلمات اللى ضيعتنا واتوقع موضوع بوابات العمارات والانتركم اصبح مهم فى كل عمارة ربنا يقدرنى والناس فى عمارتى ان شاء الله عند الاستلام يوافقوا لان فيه ناس تدفع فلوس كتيرة فى حاجات هايفة بس بيجوا عند المهم و كانهم ولا هنا وخلى بال حضرتك فى ناس نزلت وحضرت الثورة وغيرت واتغيرت وناس زى حالاتى مانزلتش بس اتاثرت وكانت تشارك بالدعاء وحراسة البيوت وبتحاول تغير من نفسها وناس لانزلت ولا اتاثرت ولا اتغيرت وهم دول اللى عاوزين ثورة مننا وربنا الهادى  

 الحمدلله اولا على سلامتك

لكن موقف الشرطه مفهوم .. دا جزء من الفراغ الأمني اللي هم بيأدبونا بيه

احنا استحملنا الغلط 30 سنه ... ومحتاجين نحاربه اي عدد من السنين عشان يختفي ... انا كمان مانزلتش التحرير .. لكن كنت بدعي واقرأ قرأن .. ماكنتش بنام ... عاوزة افكرك بيوم الأنتخابات عشان تحسي بشيء ايجابي .. يوم ماقابلتك صدفه :)) .. فاكرة الست اللي كانت خارجه تقولنا انا مش عارفه انا كتبت صح والا غلط .. وكلنا قلنالها كتبتي صح مهما كانت اجابتك ... تفتكري دي كانت بتروح اي انتخابات قبل كده ؟؟؟

 

في يوم وقفت قدام واحد بالعربية داخل البنزينه بالعكس عند بوابة 13 .. وقلت له كده غلط .. قعد يتعوج على كلامي ويتريأ .. بس قلت له انا احرجتك .. صح؟؟

 إن برضه الحرامي مغيرش طريقته.. والله الواحد نفسه في أي حاجة جديدة ..

مع الشكر لنجاة الصغيرة

اى مصرى تغرب من قبل يعرف كم المرار الذى يشعر به المصريين بالخارج قبل الثوره والان الوضع تغير فلابد ان اتفائل عندما يعاملنى ضابط الشرطه باحترام حتى وان كان مؤقتا لشعوره بالعجز الا انه ان شاء الله سوف يصبح سلوك عام لابد ان اتفائل عندما يخرج فاروق الباز بمشروعه من الادراج واجد ممدوح حمزه يرد عليه ويرفض مشروعه بنقاش علمى مثمر لابد ان اتفائل عندما اجد اصدقاء لى لم يكن لهم هم سوى كره القدم اجدهم يتحدثون بحماسه عن مواد الدستور وعن مستقبل البلد لابد ان اتفائل عندما اجد مذيعه محجبه فى التلفزيون المصرى واحتمال تقديم حافظ المرازى لبرنامج به  اى اننا بدانا ننظر الى الكفاءات دون النظر الى انتماءات لابد ان اتفائل عندما يتم تفعيل تنفيذ احكام القضاء على الجميع كسواسيه ولا احد فوق القانون لابد ان اتفائل عندما نرى علماء فى التلفزيون ظننا اننا سنموت قبل ان نراهم فلابد ان اتفائل عندما يتم الحديث عن الشباب والقياده فى معظم المجالات فلابد ان اتفائل عندما يرفع احد عمال احدى النقابات العماليه فى امريكا اثناء مظاهره لافته مكتوب عليها يجب ان نقاتل كالمصريين للحصول على حقوقنا لابد ان اتفائل عندما يصبح رئيس الوزراء فرد من الشعب ياكل الفول والطعميه ويسير بحد ادنى من الحراسه الشخصيه ويستمد قوته من الشعب لابد ان اتفائل عندما يتم حل مشكله قنا دون اللجوء الى التدخل الامنى رغم وجود تجاوزات من الشعب فلابد ان اتفائل عندما يرى رئيس الوزراء ان قوته مستمده من الشارع وليس من من قام بتوليته او حلف امامه القسم فلابد ان اتفائل عندما نتيقن اننا نستطيع بالوحده ان نفعل المستحيل مثل التغلب على جهاز الشرطه الفاسد فى ساعات والاطاحه بنظام مبارك فى ايام قليله لابد ان اتفائل عندما يقابل رئيس الوزراء نابغه فى سن ال 15 سنه فى ظل هذا الكم من الاحداث والازمات التى تمر بها البلاد فلابد ان اتفائل  ,,,,,,,,,,,,,, وهناك اسباب اكثر من هذا تدعونى للتفاؤل ولكن ارجوكى الا تكون المسائل الشخصيه هى مصدر الوجع الوحيد فهناك الكثير من المصريين ممن فقدوا وظائفهم او تاثر دخولهم بسبب الثوره ولكنهم متفائلين لان الانسان بكرامه لا يقدر بثمن وتصغر امام ذلك كل الهفوات التى قد تمر على الانسان بشكل شخصى 

 لم أكن أقصد أي شيء شخصي اللبتة ، أنا لا أبكي أنني سرقت فأنا بحمد الله لم أسرق ، بل لم أقص لكم قصة السرقة بل كل ما أقصده الحال العام للبلد، وطبعا أنا أشعر بكل التغييرات التي تجعلك تتفاءل وأتمنى أن ينتقل هذا التفاؤل لي عندما أري تغييرات حقيقية حدثت لبلدنا وبالطبع هذا يحتاج وقت كما قال المشاركين معنا في الحديث فأنا لا يكفيني أن يتحدث الباز ويناقشه حمزة بل بانتظار تنفيذ المشروع ويكون ناجحا ، أنا لايكفيني أن يتحدث كل من هب ودب عن الدستور بل أتمنى أن أرى نتائج انتخابات في صالح بلدنا ، بالفعل لقد أصبحنا نشك في أي شيء ينتهي عند الكلام ولا نرى فعل حقيقي يحدث ونتائج تثمر فنحن نعلم كم من الأعوام مرت علينا في إعلام يتحدث وناس في التلفزيونات بتغني وإحنا حقيقة كنا في النازل - أرجو أن تصح توقعاتك المتفائلة لتلغي تخوفاتي وقلقي على بلدي مش على نفسي .

أؤيد حضرتك فى كل كلمة ذكرتيها من قلق وخوف على البلد  والتغيير الذى يشدو به بعض الناس بعد الثورة فأنا   شخصيا غير متفاءل نهائيا .... أولا لابد أن  نعترف بأن قبل الثورةكان معروف الحرامى والبلطجى والقاتل .. بعد الثورة أصبح أعدادهم فى أزدياد مخيف واصبحوا غير معروفين للامن عمركوا شفتوا ثورة جزء من نتائجها حرامية ومجرمين  .. احنا عايزين نبنى بعد الثورة مئات السجون لاستيعاب شرائح الحرامية والهجامين والقتلة الجدد .. ياسادة القتل فى الصعيد والارياف أصبح عينى عينك  السرقة بالاكراه من كثرة عددها اصبحف لاتكتب عنها الصحف .. ولابد وأن نعترف بالواقع كلنا فى قلق وخوف ولاننكر ذلك نحن نعيش أسوأ ايام فى مصر .. فراغ أمنى واضح  .. الجيش بيطبط وحنين ودة فى حد ذاتة كارثة أدت الى تزايد المطالب القئوية وسادت الفوضى البلاد .. يوم الجمعة الماضية السلفيون فى كل محافظات مصر خرجوا للمطالبة بحل مشكلة كامليا شحاتة أيه الفراغ دة كامليا أسلمت ثم خرجت من الاسلام لن ينتقص الاسلام بسبب كامليا وهل مشاكل مصر أتحلت علشان نفكر فى كامليا ولاغيرها ..  ثم يحاصروا الكنسية للمطالبة بتسليم كامليا  طيب النتيجة هتكون أية عايزين  أيه بالظبط  .. فين القائمين على هذا البلد حاليا  ياناس حرام عليكم  رفقا بهذا الوطن الوطن يتمزق أمامنا وربنا يستر وعايزين نتفائل أزاى ...... البلد فيها فراغ أمنى كبير وهيبة الدولة فى أنخفاض يوميا ودة كارثة والمتربصين بمصر ماأكثرهم صدقونى مايحدث فى مصر من مظاهرات ووقف حال الانتاج وخراب  السياحة سيجرنا الى مالانحمد عقباه وربنا يحمى مصر