يعني المفروض وانا بطلب الفاتورة اقدم معاه كارنيه النادي عشان احصل علي الخصم العظيم وده طبعا التفضل العظيم من مدير عام نادي الرحاب لأعضاء الرحاب يشكر عموما بس السؤال بقي ماهو سبب الاستجابة السريعة للطلب ده وفي حاجات اهم بكتير الاعضاء بيطلبوها من غير اي رد؟ انا مستغربة فعلا؟!!!!!!!!!!!!!! ياريت والله الاخ المستشار يكتب شاكيا للجهاز والنادي كل الحاجات اللي  متضايقين منها طالما ان في قبول بينه وبين والجهاز، الظاهر اننا دمنا تقيل علي قلبهم قوي.

 حضرتك تأمرى .. و فى مثل بيقول أن اللى ربنا بيحبه بيحبب فيه خلقه مع تحياتى

 ربنا يحبب فيك خلقه من جهاز الرحاب كمان وكمان  ونحصل علي خصومات كمان وكمان زي المطعم الرائع اسبكترا (أسوا مطعم اكلت فيه في حياتي ) مع تحياتي

 

 الرجاء من الاصدقاء الاعزاء اعطاء نصائحهم  عن مستوىالماكولات والمشروبات بالمطعم  

المطعم  ممتاز ومستوى راقى

 ارجو من مدير النادي النظر وبجديه في اسعار الدخول للنادي انا شايف انها مبالغ فيها جدا

 بالنسبة لدخول النادى للضيوف الاسعار مش مبالغ فيها ولا حاجة لان لو الموضوع اتفتح على البحرى النادى مش هايبقى لاعضائه هايبقى للضيوف واى نادى الاصل فيه انه للاعضاء ولكن هناك اقتراح اسوة بالنادى الاهلى يتم تسليم العضو عند تجديد الاشتراك السنوى وفى حالة رغبته دفتر به 10 كوبونات قيمة الكوبون 10 جنيهات والدفتر ده للاشتراك الاسرى بالكامل يعنى من حق كل اسرة التمتع بدفتر واحد مخفض للدخول وكده يبقى سمحنا بدخول غير الاعضاء برفقة الاعضاء بتخفيض لكن بحدود لكن لو الموضوع كان اكثر من كده هاتبقى مش ظريفة وخصوصا ان ممكن يكون ضيوفك كويسين ومحترمين لكن ضيوف غيرك الله اعلم بهم ومن هنا تحدث بعض المشاكل زى يوم شم النسيم كده كنت تحس ان النادى بقى مرتع للضيوف والغرباء 

 والله انا كان نفسي ان المطعم فعلا يكون ممتاز لكن للاسف انا فعلا صادقة لما بقول انه اسوأمطعم اكلت فيه في حياتي وعموما الاكل اذواق بس أحب أفهم الاخوة الاعضاء ان المطعم ده المفروض يصنف انه 

 Casual Dining like On the border , Fuddruckers , carions , chilies ,La gandula  ...... ect 

ودي اسماء مطاعم ايطالية ومكسيكية رااااااااااااائعة  

بس لا يمكن اقتنع انه نفس المستوي في جودة الاكل لا يمكن ،لا يمكن مثال

 انا طلبت طبق ايطالي اصيل روزوتو بالفراخ فقدموه بالرز البسمتي وده ماينفعش خاااااااااااااااااااااااالص لان الارز البسمتي طعم خليجي أو هندي لكن لا يمكن يمشي ايطالي ابدا انا بعشق الاكل الايطالي  وتذوقت كتير  في مطاعم ايطالي لكن اسبكترا بعيد كل البعد عن النكهة الايطالية حتي المشويات بتاعته واعتقد ان اي خبير في الاكل او المطبخ هييدرك الموضوع ده يعني مثلا لا يمكن يكون بيقدم اكل ايطالي بنفس النكهة الايطالية الموجودة في مطعم كارينوس ياريت كان كارينوس هو اللي فتح مكانه مطعم اسبكترا هو مكان بيقدم اكل من غير اي نكهة واضحة فيه لا هو ايطالي ولا هو مكسيكي  ولا حتي خليجي وده رأي ناس كتير جدا اكلت فيه

المطعم كمكان كويس كتصميم معماري ممتاز وكخدمة برده كويس لكن لازم يغير الشيف ويختار نكهة واضحة

 واضح أن حضرتك ذواقه .. طيب واخبار 10% الخصم ايه؟

 سيء جدا

و سمعت ان النادي افتتح مجموعة ستوديو مصر ياريت يعملوا باب من بره لكي يتيح لعدد اكبر من رواد الرحاب الاكل به لكي يحافظ علي مستواه لان كل ما عدد رواده ميقل سوف يقل مستواه لانه مش هيجيب ايجاره ف يا هيقل مستوي جودته او هيقفل