 المرحلة التاسعة
هل من جديد ياجماعة عند حاجزى المرحلة التاسعة فى اخبار جديدة عند اى حد مازالوا مصرين كل ماكلمهم يقولوا ان بدء الاستلام هايكون منتصف الشهر القادم او اول شهر يوليو طبعا انا مش مصدقهم اطلاقا بعد اللى شوفته الفترة الماضية الصراحة وبعدين بعد الضغط واللف كعب داير على تليفونات السادة المسئولين بالشركة يقولك ماتقلقش الاستلام هايكون فى منتصف الشهر القادم انت قلقان كده ليه وبعد الحلفان لهم باغلظ الايمان ان حال الموقع لايسر عدو او حبيب وان انا مهندس وفاهم يقولك ادينى مهلة يوم او يومين وبعد ماتتصل بيه يقولك انه هو كمان بقى قلقان زيك ولكن ماتخفش هاتستلم وحدتك بس هايكون لسه فيه شوية شغل فى الموقع طبعا يقصد الشوارع والحدائق والانارة العامة والمصاعد واستكمال انشاءات اخرى وخايف طبعا بالمنظر ده لايكون فيه مياه او صرف او كهرباء يعنى يتحججوا بان لسه الشبكات لم تكتمل يعنى بتستلم وحدتك فى الصحراء ده ان اوفوا بعهودهم كل مافتكر الاعلان بتاعهم الناس دى مابتهرجش الناس دى بتستهبل مش عارف ايه عدم التقدير ده والتلاعب بينا يمكن انا متشائم شوية عاوز حد يدينا جرعة تفائل لانى كنت هناك السبت وحاسس ان العمل يسير بسرعة السلحفاة بيشتغلوا ولا كانهم متاخرين وكان لسه فاضل 6 اشهر على موعد الاستلام مش كانهم متاخرين 6 شهور
|
