السؤال الاول : هل ينام هؤلاء الشباب و الشبات و متى ينامون و متى بستيقظون ؟

تقريبا حضرتك متعود على النوم بدري و عمرك ماسهرت و أنت شاب. يعني مثلا انا بنام الساعة الرابعة فجرا و استيقظ الثامنة صباحا و اكون في عملي زي الأسد طوال اليوم.

 

 احب اعرف اولا هل الردود انت مقتنع بها كليا ام انت ترد على لسان حال احد الشباب كانه يجاوب عن نفسه ردود تخيليه ولناخذ نقطة نقطة

ردا على السؤال الاول بتاع النوم الساغة 4 فجرا والصحيان زى الاسد 8 صباحا

 

ان حتى الاسد محتاج فترة نوم كافية وان الانسان الطبيعى محتاج 7 ساعات نوم او هانروح الشغل ننام هناك زى مابشوف الشباب المستهتر بيعمل كده او احنا بقى عندنا طاقة خارقة للعادة والله كويس وياريت نستخدم الطاقة دى فى التعمير مش فى ازعاج الغير وليس هذا معناه التعميم فهناك شباب ماشاء الله لاقوة الا بالله مكافح محترم ملتزم ينحت فى الصخر كى يصل الى مايريد يذهب للجامعة صباحا ويعمل مساء كى يعول نفسه واحيانا اسرته وليس شباب اجوف فارغ يبحث عن ملذاته الشخصية

 

 

عزيزي مادىيمودي2005

شكرا لردك و لكن عندي بعض التحفظات على بعض المحتوى

 

مبدئيا جملة "اترضاه لأختك او لأمك" اصبحت جملة قديمة و مستهلكة و عادة لا تمت للموضوع بصلة. اذا كان الشخص يرتضي على نفسه شيء انت لا ترتضيه على نفسك بالبلدي كدة "انت مالك" و بعدين ليه انت تتوقع ان الرقص دائما ما يؤدي الى اشياء اخرى؟؟؟؟؟ و كأنك تقول "لو الولد ده بيشرب سجاير يبقى اكيد بيشرب حشيش" و هذا تفكير رجعي يفكرني بأب أبوية.

 

بالنسبة لدوشوة الصراخ و الأغاني التي تدخل البيوت, ادعو سيادتك للسكن بالقرب من الصور الخارجي لالرحاب و صدقني هتلاقي اغاني تامر حسني زي العسل بالنسبة لدوشوة سائقي الميكروباص و التريلات.

 

نأتي الان لتشبيهك اسلوبي باسلوب الراقصات (مع ان الشتيمة قلة ادب برده بس الحمد لله) سيادتك بتقول جملة بيني و بين ربي هي اشاعة للفاحشة.  طب نعمل ايه؟ نقول الرقص حرام زي محنا بنعمل بقالنا سنين؟ و ما النتيجة؟ وصول الراقصات الى التلفزيونات. خلاص خلي الصايغ يصيع و زود ايمنك انت و ارمي الباقي خلف ظهرك. الحرام و الحلال في خطبة الجمعة فقظ. وبعدين اجري وراء حرمانية الرقص و لا تلتفت لحرمانية السرقة و الرشوة الخ الخ. نعم عتقد ان هذا اولى, منع الملذات مع زايدة رصيد البنك بالحرام

 

الطامة الكبرى في انك لاتثق بابناءك ليس ان ابناءك يسهرون في الشارع. و بعدين انا سهرت و لعبت و اتنطط و جريت و بعدين قلت كفاية لعب لازم اشوف مستقبلي و اعتقد اني لست الوحيد في هذا المركب. وخلي بال سيدتك ان الزواج العرفي ليس بالخطورة على المجتمع كما خطورة زنى المحارم و الخ الخ.

 

ده بالنسبة للمقطع الأول من الرد.

 

بالنسبة للمقارنات التي تفضلت بها سيادتكم واحدة تلو الأخرى.

 

" طبعا هى مش خفة دم زى ماتخيلت لا ده نوع من انواع المسئولية لايقاظ قلوب وضمائر اولياء الامور الذين نامت قلوبهم وضمائرهم عن اولادهم وتركوا لهم الحبل على الغارب

 ان كان كل الشباب كده كلامهم ملخبط ومافيهوش نقطة واحدة مفهومة والواحد مش عارف يخرج من كلامه بجملة مفيدة يبقى على البلد السلام والشباب اللى قام بالثورة مش هو الشباب بتاع العربيات والسهر حتى الفجر مش معنى انك من الشباب او بلاش انت مش معنى ان اى شاب يبقى هو من اتباع الثورة الشباب اللى قام بالثورة دول حاجة تانية ناس تانية خلاص ناس علمتنا حاجة جديدة رجالة بجد مش هاقولك الا كده شباب كلامهم موزون بميزان الذهب تتكلم مع الواحد فيهم تحس انه واعى لكل حاجة حواليه وفاهم سياسة وفاهم حياة مش اى ردود فى اى اتجاه وخلاص

 على فكرة مش الشباب البايظ هو اللى قام بالثورة زى مانت فاكر او حد صورك كده الشباب المسئول اوى هو اللى قام بالثورة هذا للتذكير والعلم حتى لانظلم هؤلاء الشباب

شكرا. انا اعتذر عن الرد في هذا الموضوع مرة اخرى.

 هو انت عارف مين اللى قال اترضاه لاختك اترضاه لامك ان كنت لاتعرف فهذا كلام نبينا الكريم عليه افضل الصلاة والسلام وليس كلام قديم ومستهلك كما تظن او تدعى هذا

حاجة تانية عاوز اعرفها هو انت ممكن تتجوز واحدة من اللى بتسهر معاكم فى العربيات لحد الساعة 4 الفجر ترقص وتصرخ ولا دى للخروج وساعة الجواز هاتدور على واحدة من المحترمات اللى كنا بنتكلم عليهم من شوية  طبعا هاترد وتقولى مالكش دعوة دى حاجة خاصة زى علاقة خاصة بينى وبين ربى احنا بس عاوزين نعرف بصفتك من شباب الثورة والشفافية وكده وانته اللى قولت من شوية ان الشباب البايظ هو اللى قام بالثورة دى كانت ثورة لاسقاط النظام الفاسد على ماظن واسقاط كل الفساد المهم خلينا فى موضوعنا ايه رايك تنصح الشباب المقدمين على الجواز بايه واحنا برضه كاباء يعنى تنصحنا بايه اختار لابنى على اى اساس علشان نبقى مواكبين لتطور العصر مابنقاش رجعيين ولا متخلفين من وجهة نظهر سيادتكم يعنى اختار واحدة من بيت كويس ولا انزل الساعة 4 الفجر اختار واحدة من الشارع احكى تجربتك وما رايك كى تعم الفائدة على الجميع

الواضح ان سيادتك متدايق من كلامي و انا فعلا مكنتش اقصد. و لكن بصفتك اكبر مني سننا على ما اعتقد يجب ان اجيبك عندما تسأل

 

نعم انا اعرف من قال هذه الجملة. و لكني اعرف ايضا لمذا قالها. انه كلام قديم و مستهلك لأنه يقال على الفاضية و المليانة. انا مش فاهم بس سيادتك فكرني بعمل ايه او فكرني بهذا الغباء ان تسألني هذا السؤال.

 

و حضرتك اطلقت حكمك علية اني شاب بايظ من كلمتين انا قلتهم فانا اخاف ان تراني او اي شاب فالشارع تقول غير كدة.

 

اما بالنسبة لشباب الثورة, انت افشت فالكلمة ده و مش هتسيبها خالص انا قلت الشباب قام بالثورة وحضرتك زودت كلمة البايظ من عندك (بقصد او بدون انا مش متاكد) ء.

 

انت واخد موضوع الجواز من جانب الولد دون جانب البنت. لا يا حاج الولد يختار و البنت تختار ايه رايك في هذه النصيحة؟ تنفع و لا لأ؟

 

كل اللي انا بقولوا طلما سهر البنات مش عجبك متجوزش ابنك منهم و كفى الله المؤمنين شر القتال

 

يا ريت متزعلش مني يا حاج ده بيسموا صراع الاجيال اليومين دول و سلي صيامك

 

شكرا. 

 

 

 

Fattah  نظرا لتجاوز العضو

 

في ردوده على جيرانه الأفاضل وهذا مايتنافى مع ميثاق شرف رحابي

   نرجوا من العضو التزام ميثاق الشرف وعدم التجاوز مرة اخرى . والا سيتعرض لتعليق عضويته

طبعا التحذير مقبول و لكن لو ممكن اعرف التجاوز فين؟ عشان لا اتجاوز مرة اخرى.
و شكرا