انا معاك فعلا يا حمدى موضوع السواقه بسرعه دى مشكله كبيره جدا فالرحاب انا فمره كنت بعدى الشارع ومكنش فيه عربيات وطبعا بالهدوء الى فالرحاب هتحس لو فيه عربيه  وفجاه جت عربيه بسرعه جدا وانا فنص الشارع ولولا ان اخويا شدنى بسرعه جدا كنت اتشلت بالعربيه وكان الى سايقها واحد كبير يعنى حتى مش شاب مثلا ونقول تهور ومنظره وكان معاه موبيل وقاعد يتكلم فيه ومش متابع الطريق خالص  واما لقانى ادامه  اخويا لو كان قالى حسبى كان زمانى تحت العربيه هو الى لحقه انه شدنى بسرعه  ووقعنا على الارض وفين وفين اخد الراجل باله وعلى ما فرمل كان بعد كتير شوف مدى السرعه الى تخلى العربيه تقف بعد كتير يعنى استحاله كان حتى لو منتبه على السرعه دى كان وقف العربيه قبل ما يخبطنى

 

 

 

وحاجه تانيه اا بشوف بعض السواقين بتوع الباصات الرحاب بيسوقو بسرعه جدا وحصل حدثه قريب بسبب الموضوع دا اكيد سمعتو عنها كنا انا وبنتين والمحصل والسواق طبعا وحوالى 3 رجاله فالبص وفى طريق السويس قرب مدخل الرحاب  كانت سرعه الباص كبيره جدا وكان صغير(دعم) وكان فيه ملف على الطريق دا ودا طريق سريع مقلتش حاجه بس تبقا سرعه متحكم فيها اةتسابا لاى شىء ممكن يحصل ولا نقول عادى وعشان نوصل بسرعه؟؟

والبص عند املف وقفت عربيتين ورا بعض عشان بعد الملف على طووووووول وطبعا الى هيحصل ان الباص اما يخبط العربيتين او ياخد الملف على السرعه بتاعته الرهيبه دى  واخد الملف وكانت سرعه الباص جامده مش عايزه اقولكم بجد الباص من اللفه وشدتها اتشالت عجلتين من على الارض و خبط فى رصيف الملف  ولولا ستر  ربناسبحانه وتعالى كان زمننا على الشارع التانى ولاكن الرصيف  وقف الباص بعد ما الباص اتقطو والباب اتخلع والزجاج اتكسر خالص وكان فيه اصابات والباص كان مليان دم والسواق اتصاب فرجله وواحد من السكان كان وشه متغرء دم وحالته كانت رهيبه واخدوه عند النقطه الى كانت عند الملف وعالجوه ومكنش فيه حد ياخدنا من الصحراء دى واحنا كمان كان فينا بنات يعنى ابسط ما فالموضوع انهم يجيبولنا بص ينقلنا لكن دا محصلش والبص الكبير الى فالمعاد الى بعده عدى وكان سريع فموقفش طبعا وبعدين استنينا معاد تانى لحد ما جه اخدنا وكل دا بسبب السرعه يعنى حتى لو كانت برا الرحاب فبتكون احيانا كتير من الباص بتاعنا  

 زين ماخترت يا حمدي ...فعلاً المشكلة دي لازم يكون ليها حد,المفروض تكون هناك سرعة محدده لسواقة داخل المدينة....بعدين الشباب الصغير بتاع الباجي ده المفرود يخدو بالهم عشان ده مش بلاج