أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

waelrt · 10/02/2008

الحقوووووونـــيييييييييييييييييييى !!!

انا بأ عندى كرششششش !!!

لا لا لا لا

انا عمرى ما تصورت نفسى بالمنظر ده

دا حتى شكلى مش رحابى خالص

اممممممممم ايه الحل يا شباب ؟

ممكن اشيل كل المرايات إلى فى البيت ؟

أو

اتبرع بالدولاب وما فيه لاحد الجمعيات الخيرية ؟

أو

انزل اجرى

بس انا جربت الموضوع ده ونزلت كام يوم كد و........................

اعتقد لو نزلت مع مجموعة هيكون الموضوع اظرف.

نفس اشوف الرحاب مدينة رياضية.

يعنى كفاية بأ عربيات وننزل نمشى كدا او نستعمل العجل.

او نستعمل النادى الى دفعين فيه فلوس اد كدا ومبندخلوش 5 مرات فى السنة وحتى لما بندخله بنروح نقعد او ناكل او نشرب " مش كلنا طبعا "

اقترح نعمل طبور رياضى فى الرحاب 3 مرات فى الاسبوع فى موعد مناسب للاغلبية لكل الاعمار ونبتديها مشى وشوية ثنى مد عشان جسمنا يفك وبعدين يبأ فى جرى وتمارين والحجات دى.

ويا سلام بأ لو يكون فيه حد من المتخصصين (تربية رياضية او مدرب او .......) عشان الموضوع يبأ علمى اكثر.

او يكون الموضوع بالتنسيق مع ناى الرحاب لان اعتقد ان تحسين اللياقة البدنية لسكان الرحاب احد مسئوليات ادارة النادى

هل سيتحقق هذا الحلم فى المستقبل القريب ؟

ارجو المشاركة باقتراحاتكم لتحقيق هذا الحلم

omjanna · 11/02/2008

اقتراح رائع....انا احاول المشي دائما في الصباح ....بس نعمل ياريت فريق رياضي نسائي و انا ساكون اول مشتركة فيه.

lily · 12/02/2008

أنا كل يوم بعد ما أركب بنتي الباص بامشي لغاية المول الأول ( أنا في المرحلة الثالثة) وبعدين البريد وبعدين أشتري طلباتي من السوق ثم الوصول الى منطقة المطاعم آكل أو أشرب حاجة واستريح ثم أعود الى المنزل في منتهى النشاط وفعلا شكل جسمي اتغير خالص حتى لو لم أقل في الوزن كثير

omjanna · 12/02/2008

ماشا الله يا ليلي ....رياضية رائعة....انا اسكن في المرحلة الرابعة ..ممكن اوصل بنتي المدرسة وبعد كدة امشي لغاية المطاعم...ةبعد كدة نرجع مشي سويا...كل واحد علي بيته.....متي تبداين المشي؟؟ومتي تقريبا تصلين الي الطاعم ..

lily · 15/02/2008

lily · 15/02/2008

يا ريت نتقابل في منطقة المطاعم على الساعة 9 تقريبا ، كل واحدة فينا تشيل وردة حمرة علشان نعرف بعض لووووووو احنا لسة مش فعلا نعرف بعض مش انت مداد / م. ل صح؟؟؟

rana · 19/02/2008

أنا بحب الصبار قوى واحب اقتنيه واهتم به ونفسي اتعرف على انواع مختلفة منه

ممكن اعرف امتى وفين وازاي ممكن اشوفها (انا ص صاحبة ليلي) شكرا.

nana banana · 02/03/2008

اقتراح فوق الرائع بصراحه ويا ريت دا يتحقق ولو محدش هيهتم بيه فممكن احنا كسكان نهتم بيه وطبعا لو الاهتمام من قبل الرحاب وتحقق الحلم هيكون افضل انا فعلا نفسى فالموضوع دا انا احيانا بمشى من العباسيه (عند جامعه عين شمس) الى سينما روكسى بعد ما اخلص محاضراتى لانى فالرحاب مش بلاقى تشجيع على كدا ولو نزلت مع اصحابى المقربين بنمشى ببطء وبنقعد نتكلم ودى مش اسمها رياضه طبعا دا غير اننا واحنا ماشييين بنعدى على منطقه المطاعم وممكن ناكل او ندخل على بست باى ونشترى حجات نتسلى بيها يعنى رياضه من الاخر مفيش والتمشيه من العباسيه لروكسى دى كبيره جدا بس بردوا بتكون تمشيه ببطء لانى بكون مع اصحابى واحيانا بخلص المحاضرات متأخر فبركب مواصلات يعنى مفيش مشى انا بجد متحمسه للفكره دى جدا ومعنديش مانع يعنى لو كل اعضاء المنتدى الى عايزين ينفزوا الفكره ممكن ينفزوها بجد مش كلام يعنى انا معاهم ونعمل فريقين نساء ورجال وممكن يكون كل واحد فتوقيت مختلف او يكونو ورا بعض ولو اتعودنا على كدا هتكون جميله جدا حتى للى مش عايز يخس فهى رياضه بتجدد الدوره الدمويه للجسم وبتنشطه يا جماعه انا عندى استعداد ويا ريت تكون فوقت بدرى هيكون افضل بكتير عشان الواحد يبدا يومه بنشاط

Amel · 04/04/2008

متأسفة على التعليق المتأخر لكن لسة يادوب شايفة الاقتراح الجميل بتاعكم وعايزة اقول لكم فعلا الواحد لما يمشي مع حد ولو كان شخص واحد بتفرق كتير وكمان بتساعد على الالتزام

ياترى التنفيذ وصل لفين؟ وإيه رأيكم وإحنا داخلين على الصيف يكون فيه مجموعة كمان تتمشى بعد المغرب لأن اللي بيشتغلوا أو بيحبوا السهر زي حالاتي صعب يخرجوا الصبح بدري