أتفق معاك إنهم بيتعلموا من أخطاءهم، وده واضح في مستوى التشطيبات  اللي اتحسنت في المراحل الأجدد.

 

لكن الحقيقة .. موضوع الإسانسيرات بالذات مالوش دعوة بكدة .. 

هو له دعوة بحاجة تانية خالص .. وهي كانت مفاجأة لي لما عرفتها ..

 

الحكاية وما فيها إن الشركة أول ما بدأت شغل في الرحاب كانت واخدة ترخيص "إسكان متوسط" مش "إسكان فاخر". وطبعاً الإسكان المتوسط ما ينفعش يكون فيه إيسانسيرات.

 

بصراحة .. أنا مش عارف هل الأمور مشيت طبيعي كدة؟ يعني الشركة من الأول خالص كانت ناوية تخلي  الرحاب كلها إسكان متوسط، وبعدين غيروا الخطة في المراحل الجديدة بعد كدة لما لقوا إقبال الناس عليهم؟ ولا هما كانوا قاصدين من الأول عشان يقللوا النفقات؟

 

لازم حد من العالمين ببواطن الأمور يقول لنا

 

لما سمعت الحكاية دي، فهمت بآ ليه كل العمارات مافيهاش سلالم بتطلّع ع السطح.