أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

~>SHERY<~ · 28/02/2008

نشرت بنطلونى الباجي الساعة 12 الظهر و دخلت ابص عليه الساعة 8 بالليل ملقتوش !!! البنطلون اتسرق من جوا البلكونة !!! حد نط جوا البلكونة ف عز النهار و فك المشابك و اخد البنطلون و مشي .. مش فاهمة ازاى قدر يطلع ف البلكونة لوحدو و لا كان معاه حد تانى ساعدو و لا لو كان لقي البلكونة مفتوحة ياترى كان هيفكر ف اكتر من البنطلون ؟؟؟ دخلت مستغربة باقولهم ف البيت ف ماما طلعت و الخوف بعينيها تتامل بنطالي المسروق .. و الغريب ان اختى ماستغربتش اتاري كانت حاطة ترابيزة برا جنب باب الشقة و دخلت تدخل باقى الحاجات على ما خرجت ملقتهاش !! سالت كل الجيران .. كل الجيران محدش شاف الطرابيزة بس واحدة من الجيران استغلت الفرصة و سالتها عن عجلتها الجديدة المسروقة من تحت سلم العمارة .. برضو نفس العمارة !!! كلمنا الامن علشان نشوف ايه الى حصل و واحنا عندو جالو بلاغ ان مشاية جارتنا ف نفس العمارة اتسرقت من على البلكونة بتاعتها !!! برضو ف نفس العمارة .. هيه عمارتنا و بس و لا ايه ؟؟؟ اتارى كل فرد امن على مجموعة كاملة طيب داحنا كنا الصبح و مشفش حاجة اومال لو كنا بالليل ؟ و ياترى بيروح لحد فين علشان قبل كده حصل حالة طارئة و قعدنا ندور و ننده و ننادى و نصيح و برضو ملقيناش حد و برضو كان الصبح !!! اومال بالليل ايه الى ممكن يحصل؟؟

اتمنى لو حد تانى برضو اتسرق يقول و يشاركنا حكايتو

Mimo198514 · 29/02/2008

معلش يا شيري بسيطه ان جت علي بنطلون يمكن اللي سرقه محتاجه يستر بيه نفسه وموضوعك احب ابعته رسالة ل سوما علشان تقتنع ان الامن قل في المدينة بصورة ملحوظة

العقيق · 29/02/2008

هاااااااااااااااااااي شيري ازيك عاملة ايه

والله دي الظاهرة حصلت عندنا كمان عايزيين حل للمشكلة دي !!؟؟

واما البنطلون ف خيرها ابغيرها

اتعيشين واتجيبين غيرووووووووو

تحياتي

nana banana · 02/03/2008

انا معكى فموضوع السرقه الى بيحصل دا انا حصلت معايا كتيير

يعنى الاسكوتر بتاع اختى اتسرق وبتاع صحبتها فالمجموعه الى جنبنا وعجلتين بتوع جراننا الى فوقينا وكانو لسه جداد وحجات تانيه كتير وكلبه واحده صحبتى كانت ربطاه بسلسله والكلب صغير يعنى استحاله يقدر يفك السلسله لوحه ولقوها مكسوره والقلب اختفى من الجنينه بتاعت الدور الارضى بتاعتهم وموبيل اريبتى فالدور الارضى حطته على الترابيظه الى فالجنينه و دخلت ثوانى ورجعت ملقتهوش يااااااه فعلا الامن قل فالرحاب بس مع ذلك انا بشوف رجال الامن بيحاولو على اكمل وجه يأدوا دورهم وانا حتى الان مش شايفه تقصير منهم حصل معايا

اه نسيت اقول حاجه كمان فيه فالعماره الى جمبنا السنه الى فاتت حرامى كان عايز يسرقها وكان فاكر ان الناس الى جواها مش موجودين لانهم دائمين السفر وحظه ان كان فيه صاحبه الشقه موجوده وصرخت ورجال الامن جريو وراه بس بعد كدا مواكبتش الى حصل هو دا انا شفته وبس

وقبل كدا واحد من بتوع الدليفرى كان بيجرى ورا اختى الصغيره وجتلنا البيت مرعوبه وكان عايز يوقعها بالعجله (يعنى كمان الاطفال ممكن يتضروا ) ودى طبعا حاجه مش سهله

يا ريت تكون فيه متابعه للدليفرى بالذات يعنى مفيش دليفرى يطلع عماره غير ومعاه رجل امن دا المفروض يعنى احنا هنا فالرحاب ودا مش متوفر فى حين ان ممكن اماكن تانيه بره الرحاب ومش راقيه زيها وبيكون فيه حارس للعماره بيطلع مع كل واحد من خارج سكان الرحاب وهنا مش لاقيين كدا؟؟؟؟؟؟؟؟؟؟؟؟؟

انا مش عارفه دا تقصير من رجال الامن ولا دا مش من وظيفتهم مع انى شايفه عكس ذلك بس يا ريت يعنى لو دا مش مطلوب منهم يطلب منهم لاننا محتاجين لدا فعلا الرحاب بقا فيها حوادث اكتر من برا

shhamdy · 30/03/2008

يييااااااااااااااااه كل ده

ده انا مش دريانة بحاجة بأه

ده كنت بحسب الرحاب امان وبتعامل على الاساس ده

طيب كويس بأه ان انتوا نبهتونى