أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

AbadiSS · 29/02/2008

السلام عليكم ورحمة الله وبركاتهدي أول مشاركة لي في منتديات رحابي نت
كنت عايز أسأل عن اسم الخطيب اللي كان النهارده الجمعة 29/2/2007 في مسجد أحمد عفيفي واسم الامام برضه؟
وايه النظام اللي ماشية في الخطب في الرحاب؟
يعني كل مرة خطيب وامام جديد بالنسبة لصلاة الجمعة
لأنه صراحة خطبة النهارده كانت فعلا خطبة ممتازة
فعايز اعرف ازاي ممكن أحضر كل مرة مع نفس الشيخ اللي كان بيخطب؟
الله يوفقه ويوفقنا لما فيه الخير يارب
وجزاكم الله كل خير
والسلام عليكم ورحمة الله وبركاته

Dr. Rehaby · 01/03/2008

الشيخ إسمه خالد عبد الله

وهو فعلاً خطبه قوية وأسلوبه مميز جيداً

ابن عثمان · 02/03/2008

السلام عليكم

من كام شهر كتبت في المنتدى ده موضوع بعنوان "مساجد الرحاب .. ليه الحلو ما يكملش" .. والحقيقة إني كنت قربت أيأس خلاص من مستوى الخطب (إلا ما رحم ربي)، لغاية ما قريت مرة في قسم "فعاليات" إن خطبة يوم 29 فبراير هتكون للشيخ خالد عبد الله ..

رحت صليت وراه، وحقيقي سمعت خطبة متميزة ومؤثرة جداً ما سمعتش زيها من فترة طويلة، (كانت عن الإخلاص)، وبأدعي من كل قلبي إن كل الخطب تكون ع المستوى ده.

اللي عايز أقوله، إني عرفت الموضوع بالصدفة من خلال قسم "فعاليات وأنشطة" لإن فيه عضو كريم "اسمه محمد الديدي" ما بخلش علينا بالمعلومة اللي عرفها ونبهنا، لكن بيتهيألي ده مش كفاية ... ليه ما يبقاش الموضوع منظم أكتر من كدة؟ يعني مثلاً إدارة الموقع تتفق مع الأئمة (أو ممثل عنهم) بشكل رسمي إنهم يخشوا على القسم ده أول كل أسبوع ويكتبوا فيه لستة بأسامي الخطباء في كل المساجد؟ عشان الناس تستعد من قبلها وكل اللي بيحب شيخ معين يروح يصلي وراه؟

أنا بلاحظ برضه إن الخطب بتتسجل، ليه ما تتحطش الخطب المميزة زي خطبة خالد عبد الله ع الموقع هنا، عشان الناس كلها تستفيد منها؟

دي بعض الاقتراحات وياريت يكون تنفيذها ممكن

والسلام

AbadiSS · 02/03/2008

السلام عليكم
أولا أشكر تفاعلكم معايا وردودكم عليا بالموضوع وجزاكم الله خير
بالنسبة لموضوعك يا ابن عثمان فعلا أنا قريته اللي كان بيتكلم على الهارد ويير والسوفت ويير وفعلا كان موضوع ممتاز
وبالنسبة للاقتراح اللي كتبته لإدارة الموقع ... أتمنى أنهم يتفاعلوا ويعملوا اللي قلته
ويكتبوا اسم الخطباء والأئمة اللي بتخطب وتؤم كل جمعة
بس مش عارف الشيخ خالد عبدالله جاي تاني ولا لا؟ ولو هيخطب هتكون خطبته فين المرة الجاية
سلام عليكم

ابو معاذ · 04/03/2008

جزاك الله خير يا بن عفان ونحن دائما بنحاول تطوير المساجد

ولو تتذكر اخي الفاضل اني انا اقترحت عليك موضوع ان يتم وضع اسماء الخطباء بمساجد الرحاب قبل يوم الجمعه حتي يعرف الاخوه وايضا موضوع تسجيل الخطب

وبالنسبه للشيخ خالد عبد الله فهو باذن الله له جمعه كل شهر بمدينه الرحاب