 مساجد الرحاب .. الحلو بدأ يكمل
استكمالاً للموضوع القديم " ليه الحلو ما يكملش" للي زعّل مني ناس كتير، حبيت للإنصاف إني أقول إن فيه تحسن واضح بدأت أحس بيه في مستوى الخطب.
الجمعة اللي فاتت مثلاً، حضرت الخطبة في النادي، مش قادر أوصف جمال الخطبة، هي ما كانتش طويلة خالص، ما زادتش عن 25 دقيقة، بس مركزة جداً جداً، الخطيب كان اسمه د/ عبد الحي الفرماوي، وكان موضوعها عن "التدين المنقوص".
بجد كان نفسي يكون معايا مسجل عشان أسجلها وأنشرها عشان كل الناس يستفيدوا منها.
كان عندي إحساس طول الخطبة إن الناس كلها سعيدة مش أنا لوحدي، ودا تأكدلي بعد نهاية الخطبة لما لقيت ناس كتيرة ملمومة حوالين الشيخ بيشكروه وبيناقشوه فيها.
مشيت من النادي وأنا بأقول .. يا سلام .. ع الحلو لما يكمل
|
