أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

ahmedfakih · 25/03/2008

أنا أسكن في مجموعة 70 و لو رجعت البيت بعد الساعة 12 لا أجد مكان للسيارة فأضطر للركن خارج الباركنج المخصص للمجموعة و أمشى حوالي 200 متر, عددت عدد الشقق فكانو حوالي 110 شقة في المجموعة و عدد الاماكن للسيارات كان 65 أى أن هناك 45 مكان عجز علما بان الأشغال في العمارة التي أسكنها هو 60% فهناك 10 شقق منها 6 مسكونة فقط و هذا هو متوسط الأشغال في ال مجموعة

السؤال: كيف تم هذا التخطيط؟

ابن عثمان · 25/03/2008

حد قالك ما ترجعش البيت إلا الساعة اتناشر

(إوعى تزعل أنا بأهرج معاك بس

)

أنا نفسي عندي نفس المشكلة في مجموعة 74

بس السبب معروف .. إن الشقة الواحدة ممكن يكون فيها أكتر من عربية

إحنا مثلاً عندنا عربيتين، واحدة لي وواحدة لمراتي، وتقريباً خمسين في الماية من جيراننا نفس القصة كدا

الحل إيه ؟؟؟

إنك ترجع البيت بدري

ابن عثمان · 25/03/2008

الحل ده بيتعمل في أوروبا والدول المتقدمة

وهو إنهم بيطبعوا على الأرضية رقم الشقة، طبعاً بحيث إن كل شقة يكون ليها مكان واحد بس للركن، وممنوع إن حد يركن في مكان غيره. الفكرة دي ممكن تحل المشكلة، وهي مش صعبة التنفيذ خالص، ممكن العمال اللي جم من كام شهر خططوا الأرضية وعملوا فواصل بالبوية البيضا، برضه يبقى معاهم شبلونة فيها الأرقام ويرسموها على الأسفلت.

بكدة، كل واحد يبقى ضمن على الأقل مكان لنفسه جنب عمارته، واللي عنده بقى أكتر من عربية يتعب شوية ويركن بعيد.

ابن عثمان · 25/03/2008

آخر حل بقى إنك تبيع العربية، وتستخدم خدمة توصيلة اللي موقع رحابي عاملها

خلاص .. مش هأقترح حاجة تاني

أنا كدة خلّصت

ahmedarafa · 27/03/2008

الى الاخوه الاعزاء ابن عثمان و احمد.

انا فى مجموعة 86 وعندى نفس المشكلة لدرجة اننا بقينا بنركن جنب محول الكهرباء بتاع المجموعة. ومش عايز احكي لك لما اتوبيس اى مدرسة بيعدى بنقول ربنا يستر ليخبط اي عربية

المشكلة يا يا جماعة ان الباركنج غير كافى لعدد السكان بفرض ان كل واحد عنده عربية واحده .ما بالك ان الناس عندها اكثر من عربية

كل واحد يعمل الحسبة الصغيره دى. شوف كام عمارة بتطل على البركنج واضربها فى عدد شقق كل عماره ( المرحلة الرابعة10 شقق فى العمارة) تلاقى عدد الشقق اللى اصحابها المفروض يستعملو الباركنج. لو فارضنا ان كل واحد له عربية واحدة بس . حتلاقى ان البركنج ما يكفيش العدد الموجود ده.

احنا دلوقتى نسبة اشغال العمارات فى حدود 60% ومش لاقين اماكن نركن فيها.لازم نفكر فى حل جذري علشان بعد كام سنة لما اشغال العمارات يكون 100% من السكان مش ها نعرف نمشى اصلا جوه الباركنج. .لازم جهاز المدينة يشوف حل للمشكلة ده والا ح نتحول لنسخة تانية من مدينة نصر بنفس مشاكل الزحمة اللى فيها

AbadiSS · 17/04/2008

السلام عليكم ورحمة الله وبركاته

هي فعلا مشكلة ... بس حلها زي ما قال أخونا ابن عثمان ارجع البيت بدري (هههههههه) حل جامد

أنا بقول أنه اقتراح ابن عثمان جميل اللي هو عبارة عن كتابة رقم الشقة على الأرض

وأنا في اقتراح تاني في دماغي من زمان بس مش عارف مين اللي حيسمع ويطبق

نفسي يترسم على الارض خطوط بالطول (خطوط ارشادية) عشان الواحد يركن بين خطين

لانه في ناس كتيرة بتركن بمكانين فلما تجي تركن ما تلاقيش مكان بسبب الناس اللي ركنت عربيتها بمكانين

وفايدة تانية مهمه لموضوع الخطوط .. أنه ماحدش يلزق باللي جمبه لدرجة لما يجي يفتح الباب يخبط العربية اللي راكنه جنبه ودي حاجة بتنرفزني جدا لما الاقي العربية مخبوطة من اللي جنبي

tsherif · 19/05/2008 3:42:56 PM

فكرة الخطوط حلوة اوى بس ياريت لما تتنفذ ان لو حد التزم بها نعرف لان لايمكن لايمكن حد هيلتزم .