أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

Mimo198514 · 01/04/2008

السلام عليكم ورحمة الله وبركاته لي اقتراح بسيط اتمني ان ينال اعجاب الجميع وهو كالتالي

ليه ما يتمش الاتفاق مع شركة توصيل خدمة الانترنت فائق السرعة لاسلكيا للمدينة كلها وتوصيل الاجهزة المطلوبة بالسرعات المطلوبة لتغطية عدد السكان ويكون التحصيل عن طريق زيادة مصاريف الصيانة السنوية والتي باي حال من الاحوال لن تزيد عن جنيه او اتنين لكل مالك بالمدينه اسوة بما تم بالنادي الاهلي واعتقد ان ده بسيط اما وساجيب عن سؤال قد يظهر في الافق وكيف يدفع مالك غيرمقيم تكلفة خدمه لا يستخدمها الاجابة بسيطة جدا ان اغلب خدمات الصيانة بتكون لخدمة المدينة ككل للمحافظة علي الشكل الجمالي اليس الاولي هو المحافظه علي الشكل التكنولوجي ولو حصل موضوع زي كده هيخلي المدينة تاخد سمعه افضل بكتير

ارجو ان اسمع ارائكم

Amel · 02/04/2008

لا أدري انت كنت تقصد باقتراحك هذا الأماكن العامة أم داخل الشقق أيضا

وإن كنت تقصد داخل الشقق فهذا اقتراح رائع لأنه على الأقل سوف يريحنا من الأسلاك الكثيرة التي تحيط بنا في كل جانب

لكن أرجو توضيح مسألة زيادة جنيه أو اثنين فقط على مصاريف الصيانة

وشكرا

ramy · 02/04/2008

والله يا ريت يا ميمو. أنا إقترحت الموضوع ده قبل كده، لأنه عملي ومريح وكمان بسيط وممكن تطبيقه بسهوله وفي نفس الوقتبيضيف قيمة اعلى للمدينة ككل.

وشكرا ليك على فتح الموضوع ووحشتنا إقتراحاتك

Mimo198514 · 04/04/2008

اشكر لكم الاهتمام بالموضوع ولكني عاتب حيث ان الموضوع تم نقله بدون تحذير لكاتب الموضوع حتي انني ظننت انه تم مسحه اما عن سؤال اخي الخاص بالتكلفه فانا لم اقوم بدراسة جدوي للمشروع ولكن بصفة مبدئية اظن ان التكاليف ستكون بسيطه وان زادت فستزيد في البداية فقط بسبب تركيب الاجهزة ولكن بعد التركيب ستكون تكلفة بسيطة جدا ان لم تكن معدومة ولقد بادر الي ذهني انه توجد شبكة بالفعل لاسلكية بالفعل تغطي حتي المجموعة 26 وهذه تعتبر نواة للبدء في توسيع مجال التوصيل ليضم الرحاب كلها بالاضافة الي انه لن يتم تحصيل من خلال الفواتير ولكن سيقوم الجهاز بالسداد عن المدينه ويضيف قيمة الاشتراكات الي المحصلة النهائية لمصاريف الصيانة وياريت اعرف رد جهاز المدينة من نقطه زي كده لاني اعتقد انها ستكون فائده عامه بتكاليف اقل هذا الي جانب المحافظه علي الشكل العام للمدينة بدون اسلاك بالاضافة الي اننا سنكون اول مدينة في مصر علي حسب علمي تعمل مثل هذا المشروع نريدها جنة الله في الارض فهل يمكننا ذلك

AbadiSS · 17/04/2008

السلام عليكم ورحمة الله وبركاته

معليش أخي أنا مش معاك بالكلام ده ... هي فكرة حلوة جدا بس الواحد عايز يخلص من الحاجات (الوير ليس) بسبب ضررها وأنتا بالاقتراح ده عايز تزيدها

الواحد بيتعرض في اليوم لأكتر من مصدر اشعاع مما يؤثر بالصحة على المدى البعيد

ومن أكتر الحاجات اللي بتأثر ... الموبايل

والله الواحد مش عارف يعمل ايه عشان يخلص من الحاجات المضرة دي

يعني لازم نروح نسكن في الصحراء ولا ايه؟

وبعدين لما يجي واحد يعمل داون لود لحاجة كبيرة يروح ياخذ (السبيد) كله عنده

والباقي حيبقى النت بطئ عندهم خالص

عموما هو اقتراح جامد بس للأماكن العامة وهو موجود فعليا في المطاعم المفتوحة

Amel · 20/04/2008

شكرا جزيلا لتنبيهنا إلى الأضرار الصحية التي تترتب على استخدامنا للوصلات اللاسلكية

أما بالنسبة للأماكن العامة فالله في عون العاملين بها لتعرضهم لتلك المخاصر طوال فترة عملهم التي تمتد لساعات وساعات لكن هذا لا يكفي

فهل لدى أحد فكرة عن هذا الحل لأنه لا يجب أن نكتفي بأن نقول كان الله في عونهم لأنهم مضطرون للعمل

ما هو الحل العلمي لهذه المشكلة؟ محلات ماكدونالذ والمكتبات في الخارج بها وصلات لاسلكية ولابد وأن أنهم وجدوا حلا لهذه المشكلة المزعجة

دعونا نحاول أن نكون مبادئين بطرح المشكلة والحل وروادا كذلك في حماية أنفسنا والآخرين بنفس الدرجة من الاهتمام فهذا هو لب الإسلام الحقيقي وما تدعو له كافة الأديان والأعراف الأخلاقية

لا ضرر ولا ضرار

ramy · 20/04/2008

إسمحولي أختلف مع فكرة الأضرار الصحية. لأننا لو فكرنا بالطريقة دي يبقى مش حنستعمل التليفون اللاسلكي ولا التلفزيون ولا الأقمار الصناعية ولا الموبايل ولا حتى الراديو

الموجات اللاسلكية تحيط بنا من كل جانب والجسم البشري قادر على التكيف معها ولازم نفرق بين الموجات اللاسلكية ومحطات التقوية زي محطات المحمول اللي تكثر الأبحاث حول إحتمال خطورتها ولم تثبت بعد

أعتقد اننا لازم نستفيد من التكنولوجيا لأقصى حد ببساطة لأنها بتخلي حياتنا أسهل وأجمل لو أحسنا إستخدامها

وطبعا مع إحترامي الشديد لكل وجهات النظر المطروحة بس دي وجهة نظري لأن كلها كام سنة وحتختفي الأسلاك من حياتنا وكل شئ حيكون وايرلس

Mimo198514 · 21/04/2008

اشكركم اخواني علي المشاركة بارائكم القيمة ولكن اسمحوا لي ان اوضح شيئا بسيطا كاضافة لما اوضحه رامي لو كل واحد فينا بحث علي كم الشبكات اللاسلكية اللي في نطاق سكنه هيجد عدد كبير من الشبكات كل اللي قصدته بطرحي للفكره انها تكون شبكة واحده بس يعني لو وجد ضرر بالعكس احنا كده هنقلله مش هيزيد وشكرا لرامي لانه وضح ان في فرق بين محطات التقوية والشبكات الاسلكية لان الفرق كبير جدا