يا خوفي يا بدراااااان

 

يا ترى ده هيكون معناه فواتير أكثر وللا خدمة أقل؟

 

و لما أطلب ديلفري من مصر الجديدة بعد كده اكيد هايقوللي "خمسمييييت جنيه يا بيه! دي محافظة تانية!"

 

 

طبعا القرار ده كان الغرض منه تحسين مستوى الخدمات (ايوا ايوا عارف عارف) بس مش عارف ليه الـhamster بيلعب في عبّي   

 

 

ياصباح الأخبار الجديده

والله يارامي انا مابحبش حلوان دي

 وعزائي ان:

  

.. اللي بنى مصر كان في الأصل حلواني 

 

تحياتي ياسكندراني

 

 

السلام عليكم

 

يا جماعة الموضوع اكبر من كدة - اليكم بعض المشاكل

 

السجل المدني لتجديد و عمل الرقم القومي 

الجوازات

الرخص 

امتحانات الشهادات العامة

واخيرا و ليس اخرا - التوزيع الجغرافي في تنسيق الثانوية العامة لدخول الجامعات اللي معناه أن أطفالنا توزعيهم  الجغرافي علي جامعة حلوان بدل عين شمس مع كل التقدير لجامعة حلوان  

أموت واعرف اشمعنى حلوان؟؟؟

هو مش إحنا برضه بنعدي على المعادي أولا وبعدين حلوان ولا مترو الأنفاق بيمشي غلط؟؟؟؟ 

طب كانوا عملوها محافظة المعادي !!!! ولا التقسيم ده على نظام ودنك منين يا جحا؟

 

والله يا ناس جحا  لو كان معانا كان زمانه طفش  

 

بصراحة مش فاهمة أساسا يعني إيه التقسيم ده وليه؟ والنهاردة الصبح كنت باتكلم مع صديق وقلت له كنت أتمنى يعملوا محافظة القاهرة الجديدة وتضم الشروق والعبور والرحاب والتجمع والقاهرة الجديدة عشان المحافظ بتاعها يتفرغ فعلا ليها وناخد خدمة واهتمام أكبر يساوي عدد السكان المتوقع بها لكن ما كنتش أعرف اننا بقينا تبع حلوان ده غير منكم

 

وبالمناسبة اللي مش عارفة أوصفها ده أهدي لكم هذه القصيدة للشاعر علي سلامة

 

خايف أصحى مالاقيش مصر
-------------------------- ----

ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر

خايف يوم أصحي..
وأفتح الشباك..
مالاقيش مصر


ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها


مصر البنوتةالحلوة
اللي زي القمر
بقت عجوزة وشايبة
وبان عليها الكبر


خايف يوم أصحي..
وأفتح الشباك..
مالاقيش مصر


_________________________________


مش أنا امبارح
رحت من بيتنا في السيدة
للشغل في حلون
في سبع دقايق
لا شوفت حد زعلان
ولا حد متضايق
والورد إنسان
والنخل متعايق
والناس جميلة مؤدبة
والجو رايق
والدنيا ماشية لوحدها
ولا حد سايق
ومش انا
امبارح برضه
رجعت من الشغل في حلوان
لبيتنا في السيدة
في خمس دقايق
لا حاسس بغربة
ولا شايف غريب
وقلبي ابيض حليب
عندليب
كروان فرحان
شايل ف قلبي وف جيوبي
الفرح أشكال وألوان
وزعت ع الشوارع
والبيوت والجيران
وطلعت البيت
ضربت الجرس
فتحت مراتي وبالأحضان
والعيال كمان فرحانين
ناجحين وجايبين
الدرجات النهائية
من غير دروس خصوصية
قمنا رقصنا وغنينا
واحتفلنا واتغدينا
فضلة خيرك
سمك واستاكوزا
وجمبري م الكبير
وحلينا ب مهلبية
وشربنا الشاي كمان
وفجأة
لقيتني بردان بردان
بصيت لقيت
الشباك مفتوح
ومفيش بطانية
ومراتي جنبي وزي ما هيه
لسة بتعاني من آلام المفاصل
وده اللي حاصل
والحمد لله
على كل شيء

وممكن تسمعوا القصيدة هنا

 

 

وهنا ممكن تلاقوا قصائد عديدة  بصوت الشاعر

 

http://www.youtube.com/results?search_query=%D8%B9%D9%84%D9%89+%D8%B3%D9%84%D8%A7%D9%85%D8%A9+&search_type=

 

أنا لما كتبت الموضوع ده ما توقعتش ردود الأفعال الجامده دي

 

ميزو قال ال هامستر بيلعب في عبو

 

وسوما ما بتحبش حلوان

 

وبودي مش عارف ده كويس ولا لأ

 

وأيمن رشدي قال على بعض المشاكل الإدارية اللي ممكن نتعرض ليها وكلها موضوعية

 

وأمل كانت عايزاها تكون محافظة القاهرة الجديدة وتضم المدن الجديدة بس. وشكرا على قصائد علي سلامة الجميلة والمعبرة

 

خلاص يا سوما مش حنقل عنواني للرحاب خليه على إسكندرية أحسن

 

تحياتي للجميع وفي إنتظار المزيد من التعليقات ونشوف هل القرار تم بناء على دراسة جاده ولا قرار عشوائي زي ما تعودنا

 

ده حتعرفوه لما تتعرضو لأي مصلحة حكومية وياريت تقوللنا

 ليه مش متوقع ردود الأفعال دي يارامي

كالعادة يارامي موضوعاتك كلها تفجيرية  ...

بس ياترى حد يعرف المحافظة الجديدة دي امتى حتبدأ تشتغل أو تاخذ حيز التنفيذ

لأنه لغاية الأسبوع اللي فات احنا لسه تبع مروروسجل مدني القاهرة الجديده

وعاوزة اعرف هل حدود المحافظة الجديدة لا تضم المعادي زي مافهمت من أمل؟؟ طيب اشمعنى

على رايها ودنك منين ياجحا

تحياتي

محافظة حلوان بتضم المعادي والمعادي الجديدة وزهراء المعادي كمان وكل المدن الجديدة وبعض مدن الوجه القبلي زي الحوامدية اللي انضمت بعد التعديل امبارح وربنا يستر

 

وده رابط يوضح حدود المحافظة

 

 

 

 ماشاء الله يعني بجينا صعايده ياولد"بكسر الواو" .. والله ونلناها

ربنا ان شاء الله حينصفنا

ازيك بجى يارامي!!!!

 

«المغربي» الرابح الأول من حركة المحافظين وتغيير حدود المحافظات

نجح أحمد المغربي، وزير الإسكان، في إقناع القيادة السياسية باختيار ٣ محافظين من رجاله في الوزارة، لإنجاز بعض مشروعات الوزارة المهمة، والتي صدر بشأنها قرارات من القيادة السياسية، أهمها تطوير شمال الجيزة ومنها أرض مطار إمبابة.

وقالت المصادر، المقربة من المغربي لـ«المصري اليوم»، إن الوزير سعيد للغاية بهذا الاختيار، خاصة أنه سيتيح له إنجاز سياساته في تلك المناطق.

وأضافت «أن اختيار اللواء مهندس سيد عبدالعزيز الشحات رئيس الجهاز المركزي للتعمير - وهو من المشهود لهم بالكفاءة - محافظاً للجيزة، جاء لإنجاز أهم مشروعات الوزارة في المرحلة المقبلة والتي تحظي باهتمام خاص من الرئيس مبارك، وهو تطوير أرض مطار إمبابة.

وأشارت المصادر إلي أن الشحات استطاع أيضاً تنفيذ ما يقرب من ٣٠% من أعمال محوري المريوطية وصفط اللبن خلال فترة وجيزة، بخلاف نجاحه في تنفيذ بعض قري الظهير الصحراوي.

وقالت المصادر «أما الدكتور حازم القويضي، والذي كان يشغل منصب رئيس الهيئة العامة للتخطيط العمراني (ومهندس) التخطيط في الوزارة، جاء اختياره محافظاً لحلوان كنوع من التكريم علي إنجازاته ونجاحه في رسم أفكار المغربي علي ماكيتات الهيئة،

كما أنه تم اختياره محافظاً علي أهم المدن الجديدة وهي (القاهر ة الجديدة) والتي يعلق عليها المغربي الكثير من الآمال». يذكر أن القويضي أشرف علي التخطيط الذي تم بموجبه إنشاء محافظتي حلوان والسادس من أكتوبر.

وأكدت مصادر قريبة من القيادة التنفيذية أن اختيار المغربي للقويضي وترشيحه عند نظيف، جاء أشبه بإسقاط عصفورين بحجر واحد، حيث كان الاختيار كنوع من التكريم من ناحية،

ومن ناحية أخري إتاحة ترشيح الدكتور مصطفي المدبولي نائبه في الهيئة لخلافته، خاصة أنه أحد أعضاء لجنة السياسات، وسيقوم بتخطيط «المدينة الحكومية الجديدة التي يتبناها جمال مبارك، فضلاً عن إعادة تخطيط القاهرة والتي من المتوقع أن تكون عاصمة سياحية.

والله ودبت لنا الديب من ديله ياولد بيكام

تحياتي

أنا ما دبتوش هو ده لوحده

الكلام ده لو صحيح معناه اننا هنتبهدل فى موضوع الاوراق الرسميه و الترخيص و الرقم القومى و الثانويه العامه غير التليفونات يعنى عشان اطلب رقم فى مدينه نصر لازم يكون عندى مباشرو تتحسب تعريفه مباشر غير لما احب انقل عربيتى على عنوانى فى الرحاب انى اروح مرور حلوان  كل حاجه بعد كده يبقى مكتوب محافظه حلوان..يعنى هبقى ملاكى حلوان و الله الواحد عشان يضمن يبقى قاهرى علطول هروح اجر شقه جنب الباشا الكبير فى مصر الجديده..عارفينه مين طبعا !!!؟؟؟ الحمد لله احنا حلينا كل مشاكلنا فاضل موضوع المحافظه ده و خلاص...اللهم انى لا اسالك رد القضاء و لكنى اسالك اللطف فيه..وبعد كده هيبقى جيش اولادنا تبع حلوان انا مش قادر اصدق..بجد بجد تهريج و تخبط و تحميل مسؤوليات اضافيه على الشعب الى هيدفع قد كده من القرار ده زى مانتو عارفين نقل مرور و قومى و جواز وتليفونات..الخ الخ الخ الخ

 

 

حسبى الله و نعم الوكيل 

يا ريت يا دكتور كانت نكته بس أعتقد ان الصورة مش سوده أوي بس اللي محيرني إن مرور مدينة نصر حينتقل للقاهرة الجديدة  طيب يا ترى حيكون تبع القاهرة ولا حلوان .

 

بس أكيد سياراتنا حتكون ملاكي حلوان والمشكلة الحقيقية في التليفونات لأننا مش تبع مدينة نصر وأكيد حيكون في لخبطة في البداية وربنا يستر

 

والخبر الجديد إن المحكمة الدستورية رفضت تبعيتها لحلوان لأن الدستور المصري ينص أن يكون مقرها القاهرة طبعا العباقرة بتوع التقسيم فاتت عليهم الحكاية دي

 

وما زلنا بانتظار الجديد في حكاية التقسيم

المستشار ماهر سامي: إعادة تبعية المحكمة الدستورية للقاهرة