مراقبه مواعيد الباصات الداخليه و الخارجيه لعدم انضباطها حيث اننى استغرقت ساعه كامله او اكثر قليلا يوم امس من لحظه نزولى من بيتى فى المرحله الخامسه حتى اخرج من بوابه 13 فى الباص الخارجى 

 

التحكم فى مواعيد الباص الداخلى الخاص بالمدينه فقط (أجره جنيه)بحيث تبدأ دورته بعد ابتداء الباص الداخلى

الاخر مثلا الباص الداخلى سيبدأ دورته الان و الاخر بعده بعشر دقائق و هذا سوف يجعل تقريبا باص كل عشر دقائق بدل من الانتظار الطويل الممل على محطه الاتوبيس و فى النهايه نفاجأ بقدوم الباصين الداخلين مع بعضهما البعض

اتوبيس الدعم

من المفروض ان يكون هناك اتوبيس او اثنين دائمين منتظرين عند بوابه 13 فى حاله زياده عدد الركاب فى الباص الخارجى  و لكن هذا الدعم غالبا ما يكون مختفيا و الركاب واقفه فى الاتوبيس الخارجى و عند السؤال عن اتوبيس الدعم يجاوب المحصل او المشرف " يا استاذ هنعمل ايه بس الاتوبيس فى دوره "

رد غريب و غير مقنع ثم بعد ذلك يقولون " لزياده مستوى الخدمه سيتم رفه قيمه التذكره " بصراحه و نعم الخدمه

 

كل عميل او زائر ينزل من الاتوبيس الخارجى عند بوابه 13 يسأل محصل تذاكر او سائق او مشرف" اللى يلاقيه قاعد قدامه و حظه كويس لو لقى حد لان بليل او يوم سبت قلبك ابيض مش هتلاقى" نفس السؤال و يقول " هى الرابعه فين " و الاخر يقول" التالته لو سمحت" فلك ان تتخيل عدد مرات السؤال والرخامه فى السؤال نفسه و الحل فى قمه البساطه اللى خلقها ربنا

قطعه بلاستيكه صغيره تثبت على الواجهه الاماميه لكل اتوبيس داخلى مكتوب عليها " المرحله الرابعه" او " المرحله الثالثه " حسب ما يترأى للمسئولين عن العدد المخصص لكل مرحله و فى نفس الوقت تكون يافطه المرحله الرابعه بلون و المرحله الثالثه بلون اخر ليسهل التميز بينهما

 

الرحاب من أجمل مناطق القاهره و هذه حقيقه و لكن بجد المواصلات عذاب فى الرحاب و هذا ليس برأى فردى و

لكن انا سمعت هذه الشكوى مرارا و تكرارا من كثير من سكان الرحاب و على اختلاف اعمارهم و احتياجاتهم