أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

sfr57 · 05/05/2008 8:07:32 PM

إلحاقا لمداخلتى السابقة عن تجاهل مسؤولى الرحاب الرد على استفسارات الملاك فقد قمت بإحصاء عدد المداخلات فى هذا المنتدى وعدد ردود جهاز المدينة

من 36 مداخلة فى هذا المنتدى قام الجهاز بالرد على 6 فقط منها أى بواقع 17 % رغم أهمية بعضها ورغم أن معظمها تحتوى على أسئلة مباشرة لمسؤولى الجهاز وليست مجرد خواطر

أما معظم هذه الردود الستة فهى من نوعية "سنبحث الموضوع" وبهذا ينتهى الرد وينتهى الموضوع !!!

يا ترى حيردوا ؟؟

boudy · 06/05/2008 3:36:44 PM

الكلام ده معناه إن جهاز المدينه مهتم بالسكان بنسبة 17% اللى هو المفروض قايم على راحتهم وتذليل الصعاب لهم طيب والـ 83% الباقيه مهتم بـ إيه ؟؟؟ فعلا إنت عندك حق فى كل اللى قولته لأن أنا قبل كده قولت الكلام ده وقال لى أحد الساده الزملاء فى المنتدى بلاش تقول كده علشان ما نفقدش الإتصال بندوب جهاز المدينة المفوض بالرد على الإستفسارات فقولت أنا أسف خلاص حرمت ولكن مش عارف إيه الإسلوب المناسب علشان نسأل أو علشان حد يرد علينا ومداخلتى كانت على الرابطة http://www.rehaby.net/forum_view_topic.php?id=444&cat=7&subcat=35

مع خالص دعواتنا لجهاز المدينة القائم على مصالحنا بالتوفيق

sfr57 · 06/05/2008 3:49:36 PM

حتى نسبة ال 17 % مبالغ فيها لأنها كلها من نوع "سنبحث الموضوع" ولو كنتم مش مصدقنى اقرؤا مقترحات واستفسارات الملاك فى هذا المنتدى الحضارى الجميل ستجدوا أن معظمها مقترحات مفيدة جدا وسهلة التنفيذ وقولوا لى مسؤولى الجهاز استجابوا لإيه بالظبط من كل هذه المقترحات

وإذا كانوا لا يستجيبوا لمقترحاتنا ولا يردوا على استفساراتنا،، رغم أننا الملاك ورغم أننا الممولين،، يبقى الجهاز دة بيخدم مين؟؟؟؟؟؟؟؟

أظن انكم تعرفون الإجابة جيدا

تحياتى

doctor · 06/05/2008 8:51:09 PM

تعليقا على كلامك يا بودى باشا انا كمان اتقلى الكلام ده ....ولكنى اتسائل هو حل مشاكل الرحاب و الرد على استفساراتهم حاجه تطوعيه ام ؟؟؟؟؟

atefalassraj · 13/05/2008 10:23:16 PM

الوضع الحالى فكرنى بكلمات شاعر الاغنيه الشبابيه الحديثه المشهور قوي و اللى بتقول

كوز المحبه اتخرم طرطش على كمى

ياحبيبى بطل جفا و رد على مزاعمى

و خدنى علي عقلى و اشرح على قد فهمى

علشان يطولك الهنا بدعوات امى

sfr57 · 14/05/2008 2:47:57 PM

يبدو أن الجهاز لا يهمه إذا كان كوز المحبة اتخرم أو لأ

ولا يهمه دعواتنا ولا دعوات أمهاتنا

فله إهتمامات أخرى وأحباء آخرين

أرجو قراءة هذا الموضوع

http://rehaby.net/forum_view_topic.php?id=680&cat=7&subcat=35

تحياتى

أشرف