اعزائى الرحابيين

تحيه طيبه

انا حتى الان لا اصدق ما حدث انبارح بمجموعه 100 فقد كانت الامور تسير على ما يرام حتى سمعت اصوات غريبه من الخارج ووقفت فى البلكونه فاذ بى افاجا ان العمال بتوع المبانى متجمهريين و بيهاجمو الامن و كان عددهم لا يقل عن الخمسين عامل و الامن حوالى 15 فرد فقط و هذا كان بوجود العميد المسئول عن الامن و بدوا بتكسير اصوار الحدائق و رشق الامن بها و بالطوب ايضا و الضرب المباشر لرجال الامن لدرجه ان بعض منهم بدا بالهروب و قد رايت اثنين من رجال الامن فوق سطوح احدى العمارات المجاوره و لقد اتصلت شخصيا بالدوريه الخاصه بالرحاب فقالى انا جاى اهو قلتله كلم الشرطه انت مش هتعمل حاجه لان عددهم كتير جدا...المهم فضلت المهزله دى حوالى ال3 ساعات و خد عندك على الشتائم الى قلبك يحبها انا كانت مراتى بره بتشترى حاجات قلتلها متجيش دلوقتى ممكن يكسرو السيارات او يصيبوكى انتى شخصيا...و السبب كان تقريبا واحد من الجيران او الامن لا اعلم بالظبط ضرب عامل بالقلم و بما ان العامل صعيدى فندا بقيه العمال...!!!!!و لكن دعونا نتسائل لو قامو العمال بتكسير السيارات ماذا سيفعل لنا الجهاز و لماذا لم يستدعو الشرطه؟؟ و كم مره نبهتهم بخطر وجود عمال فى منطقه سكنيه و خصوصا ان معظم الشقق لم تسلم بعد و كم تعرضنا لمضايقات من العمال و لماذا لا ياخذ الجهاز اجراء تجاه هذه الفوضى .........هذا بالاضافه الى الشكاوى الاخرى فمثلا انا استلمت الشقه فى فبراير الماضى تخيلو ان حلقان الابواب بدات تطلع من الحيطه؟؟تخيلو ان جيرانى يشتكو ان بعض السيراميك بيلق؟؟؟تخيلو ان سيارتى اتخبطت و هى واقفه تحت البيت؟؟؟تخيلو تخيلو تخيلو كثيرا من الشكاوى و اعتقد ان معظمكم ادرى بالمشاكل منى ...

انا مش متشائم و لكنى ايضا واقعى و الحاجات الى انا شفتها دى شفتها بعينى محدش قالى عليها

 ......