أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

lily · 14/05/2008 6:20:51 PM

عملت شواية في الجنينة وطبعا بسرعة لقيت الأمن عندي بيقولولي لازم تصريح من التعديلات - قلتله انا مش باعمل تعديل في حاجة أنا بابني شواية في جنينتي قال معلش ده القانون ، قلتله حاضر من عنيي ومفيش نصف ساعة لقيت رئيس الشخص اللي جالي قبل كدة ودخل الجنينة بدون استئذان وبرضه بيتكلم على الشواية وانها بروز على العمارة وان الحرارة بتاعتها خطر على العمارةـ لحد الخطر ولا !!! أنا مرضاش خطر لنفسي ولا لجراني حبايبي كلهم صحابي ... .

أنا عامة قلتلهم أنا هاقلبها حوض زرع واتعهد انها ماتسخنش بس الراجل برضه مش عاجبه وبيقولي انها هتبقى قضية لأن ده مخالف للعقد اللي بينا وبين الرحاب

بس سؤالي بقة ... هل وضع شواية بالقرب من حائط العمارة خطر على العمارة ؟؟؟عايزة الرد من أي مهندس معانا على السايت ... مع خالص الشكر مقدما

sfr57 · 14/05/2008 6:38:59 PM

سيدتى

بعد التحية،،

أنا لست بمهندس ولكن أعتقد أننا نمتلك بعض الفهم الذى يتيح لنا أن نعرف أن الشواية لا يمكن أن تضر عمارة (إلا لو تأذى السكان من الدخان المتصاعد) وأنا لا أعتقد إنك ستستخدمين الشواية بصفة دائمة حتى يتأذى الجيران!!!

بالعكس،، دة حتى رائحة اللحم المشوى مقبولة وفاتحة للشهية

قمت بالتعليق على موضوعك هذا لكى أؤكد ما قلته سابقا فى عدة مشاركات من أن أفراد الأمن أصبحت وظيفتهم الوحيدة تبليغ السادة فى الجهاز بتجاوزات السكان الوحشين،،

وكما قلتى يظهرون أمامك خلال لحظات،، ولتحمدى الله أن قوة الإنتشار ومفتولى العضلات لم تصاحبهم!!!

هلا تكرمتى وطلبتى من السادة الذين طبوا على منزلك بدون استئذان أن يذهبوا فى زيارة إلى السوق؟؟

هلا سألتيهم:

أيهما أخطر يا سادة؟ الشواية الموجودة فى حديقة خاصة؟ أم الشوايات الموجودة فى الشوارع وعلى الأرصفة؟؟

الموضوع يا سيدتى ممارسة السيادة على السكان الذين يجب أن يخضعوا للجهاز ويجب أن يعيشوا كما يقرر الجهاز،، وإلا فمفتولى العضلات

أنا آسف إذ لم أكن ذو فائدة بنسبة لخطر الشواية فى حديقة حضرتك وان شاء الله تجدى مهندس له خبرة عنى

تحياتى

أشرف

lily · 14/05/2008 6:55:09 PM

انا فعلا مش عارفة الموضوع ممكن يوصل لحد فين ، يعني هو بيقول محامي الشركة بيرفع قضية وانا طبعا هاطلب مهندس استشاري يقول رأيه ، وكدة بقة لحد امتى ، المهم أنا فعلا قلتله تعالوا بصو الشروخ اللي في الحيطة جوة الشقة الاول بعدين قولوا خطر على العمارة

sfr57 · 14/05/2008 7:01:32 PM

هم فعلا بيستغلوا القانون كويس وأسهل حاجة عندهم إنهم يتصلوا بالحى ويبلغوه عن المخالفة

واضح ان حضرتك بنيتى الشواية وحسب القانون ممنوع المبانى، يعنى ممكن تستخدمى شواية متنقلة انما مش مبانى

على حد علمى فالقضية بتكون آخرها غرامة مالية أو أن يقوم الحى بهدم المبانى المخالفة،،

وممكن ما يحصلش حاجة خالص

برضه يستحسن حضرتك تستشيرى محامى

وربنا يصبرنا ويصبرك

تحياتى

أشرف

tarek · 10/08/2008 12:22:49 AM

لو أنا من سكان العمارة، سوف أعترض وأنصح بشراء شواية متنقلة وما أكثرهم في كارفور.