يعنى دلوقتى الحاجة الوحيدة اللى فاضلة من رصيد الشركة هى مدينة الرحاب ولوانهارت او هوت هذه المدينة الجميلة سوف تهوى شركة طلعت مصطفى باكملها لان صيت الرحاب موصل فى كل دول الخليج ويتم التحاكى بها كمشروع عقارى رائد ومتكامل وسوف يهوى مشروع مدينتى ايضا اللى باع واشتغل على حس الرحاب مش عارف هى الشركة مدركة كده ولا هموا بيلموا ورقهم وماشيين ولا ايه بالضبط الواحد لما حجز شاف جمال المدينة وسال اصدقائه السكان السابقين فى الرحاب ولما حكوا عن الجمال والهدوء والنظافة الواحد حجز على السمعة يعنى ناس كتير جدا حجزت على السمعة فقط والواحد كان بينصح ناس كتير جدا بالحجز اما الان احجمت عن هذه النصيحة لاى احد مفروض الشركة تفوق والجهاز يفوق ويعمل صندوق للشكاوى من الموظفين المهملين والمقصرين اللى متخييلن انهم جايين رحلة مش شغل رجاء ان اصوات الاستغاثة المتكررة توصل للسيد الفاضل طارق طلعت مصطفى علشان يلحق سمعة الرحاب اللى ابتدات تخفت لان بداية الانهيار تكون بثقب صغير جدا لايرى بالعين ثم يتعاظم وانهيار الرحاب انهيار للشركة بالكامل لما كنت بقراء اراء السيد اشرف فهمى قبل كده وتنبيهه لنا ان الموظفين فى جهاز المدينة يعتبروا موظفين لخدمة السكان والاهتمام بمشاكلهم ومعارضة بعض الناس لارائه واتهامه بالسفسطة واحتجابه بارائه لفتره عن الموقع عرفت اد ايه عنده حق فى المواقف اللى زى دى هى المشكلة طول ماقربتش من حد فينا وهو مرتاح وقرير لكن اول ماتقربله بيقبى مش عارف يتصرف رجاء ان احنا نعتبر اى مشكلة لفرد فى الرحاب مشكلة للكل لان غدا لناظره لقريب والمشكلة اللى مش عندى النهاردة هاتبقى عندى بكرة والمشرف المشكور ده مفروض انه يتخذ معاه اجراء ويعاقب الواحد ابتدا يقلق جدا على اختياره واشاركك فى مصابك ياسيدتى الفاضلة ولكنى لااعرف بماذا اساندك غير الكتابة 

 أنا مش محتاجة غير تأييدك دة لأني متأكدة ان أي من الجهاز هيدخل ويقرا ممكن الكلام دة يوصل لحد عند احساس بالبشر اللي ساكنة وربنا موجود

ممكن حضرتك تكتبى رقم المجموعة والعمارة علشن لم حد يقراها من مسؤلى الجهاز يتفضل بالحل واتمنى ان كل من واجهته مشكلة مشابهة انه يكتب رقم عمارته ومجموعته ويكتب اسم الموظف الغير مسؤل اقصد المسؤل الذى لم يهتم بشكواه ربما يكون حد من السادة الافاضل مسؤلى الجهازبيقراء هذا الكلام ويتخذ الاجراء المناسب للحل ومسائلة الموظف المسؤل عن التقصير زى ماحنا هنا فى الموقع بنقوم بشكر كل مسؤل شايف عمله وبنخصه بالشكر وذكر ماقم به برضه نقوم بفضح الموظف المقصر يعنى اقترح نعمل زى باب وكل المقيمين يوجهوا فيه  الشكر للموظفين القائمين بواجبهم مع التعريف بهم وبما قاموا به واللوم لكل موظف مقصر مع التعريف به ايضا واظن لو حاجة زى كده وصلت لمسئولى الجهازاللى انا واثق كويس جدا انهم بيقروا الموقع ده بشغف والا لما كانوا اصروا على محاربة باب انت تسال وجهاز المدينة يجيب انا واثق ان همه وموظفينهم هايتبعوها فى الخفاء وكل واحد منهم هايبقى خايف انه ينكشف امام رؤسائه وهايشوف شغله كويس والله المستعان

والله أنا شايف إن الإهمال والتسيب بدء يسود الرحاب فعلا وبضراوه بعد ما الراجل إتسجن متهيألى بتوع الجهاز  إرتاحو منه وبدءو يطلعو عقدهم علينا وبعدين أنا عايز أسأل سؤال مهم ليه ميكونش الجهاز بتاع المدينه مشكل من سكان المدينه نفسهم أصحاب الودائع وأصحاب الحق الأصلى لأنهم الأدرى بمايحدث من مشاكل ميفعش أجيب واحد مثلا من مدينة السلام أو شبرا أو الجيزه وأقوله حللى مشكله ما وهو عنده مشاكل الدنيا والأخره فى بيته وبيحقد عليا أصلا 

 جارنا اللي قالوا الموظف هذه الكلمة ثم أغلق الخط راحفعلا لمديره واشتكاه مباشرة والمهندس مشكورا اعتذر وبعت لينا ناس الصبح وصلحوا الموضوع وعادت المياه الى مجاريها وانتهت الازمة