هم برضوا بيدهنوا العمارات والرصيف ، بينضفوا الشوارع ، بيركبوا لمبات بدل المحروقة ، بيشيلوا الزبالة ، فيه أمن مش مفيش ، والجناين كويسة مش صحرا يعنى ، والمياه مش بتتقطع من جوا الرحاب دى حاجة من الشبكة اللى واصلة الرحاب هيعملوا عليها كنترول إزاى ؟ 

يبقا رى ونضافة عمارات ونضافة شوارع وأمن وإعادة تشطيبات يعنى مابندفعش فلوس فى الهوا ولا حاجة

 لا عزيز مافيش اى اهتمام بالحدائق خالص ولو عايز تتاكد ممكن تيجى تزورنى وتشرب مع الشاى فى البلكونة واريك حديقة من  12 شهر  مهمله وعندى صورة لو اعرف انشرها اريك وغير عدم توافر الامن وعمال النظافة وعدم نظافة العمارات وغير رفع القمامة كل 3 ايام اين هى الرحاب نتقول الزمان ارجع يا زمان كل ذلك بالمجموعة 48

 الحقيقة أننى سددت مصروفات الصيانة بالكامل.. نعم هناك سلبيات وده شىء طبيعى فى مدينة بحجم مدينة الرحاب ولكن مع السلبيات توجد محاولات للأصلاح و تدارك تلك المعوقات .. وما تقنين أوضاع البوابات و طلاء العمارات و محاولة استعاضة النقص فى رجال الأمن وايجاد نظام الأرقام المختصرة لطلب الخدمات ماهو خير دليل على تلك المحاولات .. بقى موضوع الحيوانات  والحقيقة يجب أن نعترف أن الغالبية فى هذا البلد تكرهه الحيوانات و ليست لدينا أى نوع من انواع ثقافة حب الحيوان ولدى البعد غل دفين حيال الكلاب خصوصا و احيانا القطط فعذرا للنجم الثاقب ليست خيانة و لكنها مصروفات الصيانة لأستمرار الخدمات و الا انهارت المدينة مش كده و الا ايه

سيدى الفاضل ماذا افعل ببياض العمارة من الخارج وانا اعيش فى الداخل ايعنى من بره هله هله ........ ويا عينى اللى ساكنين ساكنين فى عمارات من جوه ما يعلم بها الا ربنا  يا ريت يكون البياض من جوه ويسيبوا بره اما بانسبة للامن اقسم بالله مفيش بتا ع امن ثابت فى المجموعة وحتى ساعة لما يظهر ممكن يكون فى اطفال بيلعبوا كرة ومبهدلين الدنيا ولا يفكر يتحرك اما سقى الزرع ونظافة الحدائق حضرتك شايف ان الزرع لا يشتكى الى الله من شدة العطش اه انا معاك النافورة بتشتغل تقريبا مره فى الاسبوع داه كلام؟ اما موضوع القطط فهى خيانة فعلا خيانة لله والرسول وخيانة لى كساكنة لانى لم اقبل ابدا تمويت الحيوانات بهذه الطريقة ولو روحت الجهاز وطلبت منهم يشاوروا على الشخص اللى بيقوم بالتسميم مش هيرضوا يقولوا لك تبقى خيانة وظلم وافترى ولا لاء  وأصر بشدة لانى لم امضى فى العقد ولم اشترى شقة ب260 الف جنيه علشان اشوف حيوانات تعذب واقول داه نظام البلد كلها اصل محدش بيحب الحيوانات اذاى نسكت على كده واصلا اصلا عدد الكلاب والقطط اللى الناس مربينها كبير جدا جدا يبقى انت فى مجتمع يقبل هذا طاب لى اسكت واقول اصل وفصل الحق عند الله واحد وعند الناس مختلف اوعى تزعل منى انا بس بفضفض وعل العموم هادفع يا سيدى فلوس الصيانة بس ميموتوش القطط ممكن يموتونى انا مش مشكلة  

 أحيى فيكى ياسيدتى صدق مشاعرك و شجاعتك فى الدفاع عن الحيوانات و القطط خصوصا .. ومنذ فترة طالعت تحقيق صحفى بعنوان " حوار مع العميل رقم 1 أنصب معظمه فى الهجوم على الكلاب و أصحاب الكلاب و أنبرى من انبرى يتهمنا بالمنظره و أننا نصرف على الحيوانات و هناك فقراء يتضورون جوعا..وطبعا التعميم مرفوض .. فأنا لا أستطيع أن أقول أن سكان الرحاب لايحبون الحيوانات وأنا أرى بعينى كل يوم من يستوقفنى من الأطفال و أهاليهم يريدون مداعبة الكلب و السؤال على أسمه.. مثلا لاأريد أن انساق للرد على ماذا فعلت الكلاب الضالة بطفلة وهذا بالطبع شئ محزن و لكن المؤلم أيضا أننا و منذ أن ظهرت انفلونزا الخنازير قمنا بالقاء الخنازير حية فى الجير الحى تخيليى ياسيدتى هذا المنظر..البعض معنا يصر على رؤية نصف الكوب الفارغ و لايريد أن يرى ماتقدمه تلك الحيوانات من خدمات جليلة للبشرية جمعاء .. اليست الكلاب هى من تبحث عن المفقودين تحت الأنقاض .. اليست هى الصديق الوفى للأنسان و المخلص الأمين.. حاجات كتيرجدا خلى الواحد ساكت أحسن عموما متعك الله بدوام الصحة و الشهادة للحق دائما

بس برده عايزين نعمل حاجة قبل فوات الاوان وقبل ما حد غيرنا هو اللى ياخذ الاجر يا رب ترضى عنى وتساعدنى

 ماهى طلبات سيادتكم المحدده و أنا مستعد للمشاركة

ان تكتب موضوع كبير فى هذا الامر باسم رسالة لجهاز المدينة مثلا واقول حضرتك مش انا لانى ليس عندى المهارة فى كتابة موضوع منظم ومنضبط مثل حضراتكم يشمل كل الكلام اللى احنا بنقوله داه بقالنا فترة كبيرة وان هذا يتنافى مع الانسانية وان هناك عدد كبير جدا من سكان الرحاب متعاطفين معنا بدليل الاستفتاء اللى كان على الموقع من فترة بخصوص هذا الامر وكانت النسبة الكبرى ترفض هذا النوع من القتل العمد مع الاصرار والترصد يعنى باختصار كده ذى ما حضرتك كتبت من فترة اسئلة بخصوص البوابات وما الى ذلك وهما ردوا على حضرتك فعلشان كده عايزه حضرتك تكتب رسالة او نداء او استفسار مش عارفة هنسميه ايه ونبعته للجهاز عن طريق الموقع برده بس نبقى برأنا زمتنا وكمان هنخلى موقع رحابى يضع فى هذه الرسالة نسبة الاستفتاء اللى كانت عملاه من فترة والتى هى فى صالحنا وهنقول فى الرسالة دى ايضا ان داه مش كلام حضرتك ولا كلامى داه بناءا على طلب اكثر من نصف سكان المدينة بوقف هذا العدوان على الحيوانات وايجاد حلول اخرى يقبلها العقل والدين يا رب يوفقنا 

 سوف اقوم باعداد مذكرة بخصوص هذا الموضوع

مستنية المذكرة الشيقة بتاعتك وانا كمان هجمع افكار كده ونتعاون مع بعض متأمرنيش باى حاجة؟