أقسام العقارات والمبوبة والدليل مازالوا تحت التطوير وسيتم الإنتهاء منهم قريباً بإذن الله

Kanary · 11/09/2008 2:16:46 AM

الحكايه ان الواحد كان مطمئن جدا فى الرحاب لحد لما عجلة ابنى الجديده اتسرقت من العماره وكانت مقفوله بقفل وعلى فكره امام العماره يوجد الكشك الخاص برجل الامن طبعا بلغت الامن والمسؤل عن المجموعه وطبعا بدون فائده علشان كده لازم كل واحد يخلى باله من بيته لان بصراحه كده حكايه الامن دى وهم وربنا يعوض علينا

Amel · 04/10/2008 2:16:57 AM

فعلا الواحد كان مطمن جدا إن الأمن في الرحاب على مستوى عالي وياريت تبلغي جهاز المدينة وتعملي شكوى رسمية

ومتأسفة جدا على الرد المتأخر لأني عارفة قد ايه انتي أكيد متضايقة

pro · 07/03/2009 3:07:42 AM

السلام عليكم

انا سبت اميركا وجيت الرحاب عشان الامن ، وبصراحه انا فى حياتى مش شفت سيكورتى متكامل فى مدينه زى مشفته فى مدينه الرحاب، أمان اوى

اصل العجله لو مقفوله أكيد اللى سرقها كسر القفل والصوت بالليل بيدوى ،وبببساطه اللى بيسرق عجله اكيد هيسوقها ، وبردو لو خرج بهاخارج الرحاب كان هيبقى واضح!! سواء عنده سياره او ركب فى الاتوبيس

بس ان شاء الله ربنا يعوضه بسياره هامر اتش اكس، وبعدين ممكن ده يكون سبب عشان بس نخلى بالنا، انا والله بسيب اللابتوب بتاعى فى البلكونه فى الدور الارضى واخرج، واللابتوب عليه مشاريعى كلها وبيانات مهمه، يعنى لو اتسرق كان ممكن تلاقينى ماشى فى المول بغنى ظلموه،:]

ان شاء الله ربنا يعوضك خير

سلام

Amel · 08/03/2009 11:10:34 PM

إن شاء الله ربنا يحقق دعوتك بخصوص السيارة الهامر لكن برضه ياريت تخلي بالك على اللاب توب بتاعك على أساس حرص ولا تخونش

tameralsherb · 23/05/2009 8:12:08 PM

يا جماعة ماتهولوش الموضوع

ولا تقللوا من شانه ولكن احترسوا

الحرص واجب

وكل واحد يخللي باله من لغليييغوه على راي عادل امام

وأدعوا الله للجميع بالامن والامان """" اللهم امين

أخوكم تامر الشربيني