 في يوم تكريم الام ...كل سنه وكل ام واخده بالها من عيالها
في يوم تكريم الام أقول لكل أم اهتموا بتربية اولادكم عموما وبناتكم خصوصا وتنشئتهم التنشئة الصالحة..لأن الشباب الان يبحث عن واحدة ينفع تتحط في بيت ومش لاقي.. حتى لو مالهاش تجارب عاطفية على الطبيعة..بيكون ليها ستلاف تجربة على الانترنت والفيس بوك...وطبعا فيه أمهات بتشجع التجارب على الطبيعة (تحت مسمى الزمالة والاحترام) عشان البنت تطلع جدعة وجريئة وتتعلم التعامل مع الصبيان وما ينضحكش عليها لما تتجوز في المستقبل .. وكمان هناك أمهات بتكون محجبة وبتمنع بنتها من لبس الحجاب وبتشجع على اللبس الضيق واللافت للانتباه عشان البنت لسه صغيره وخليها تعيش حياتها يمكن تلاقي ابن الحلال وتتجوز..وكمان هناك امهات كتيرة جدا بتمنع بناتها من النقاب مع ان البنت بتكون عايزة كده ..بحجة ان النقاب مش فرض (آل يعني بيعملوا الفرض) ...وفيه امهات كتيرة هم السبب في غرور البنت خصوصا لو كانت البنت جميلة شويتين وطبعا هتعيش البنت طول حياتها تبحث عن احمد عز او احمد السقا وكريم عبدالعزيز عشان يليق للارتباط بها....
طرحت الموضوع ده على اكثر من حد ومتوقع الردود....وكمان مش متوقع ردود بصراحة...
بس ياريت ماحدش يرد ويقولي مش كلهم وفيه ناس كويسين لأني انا عارف ان فيه ناس كويسين ولكن نحتاج للبحث عنهم بطائرة هيلكوبتر مزودة برادار لأنهم يختفون وسط الزحام الشنيع وسط الناس الكتيرة اللي مش كويسه..
عموما اتقوا الله في ابنائكم وبناتكم وكل سنه وكل أم صالحة طيبة ويجعل مثواها الجنة .....
|
