هو دا الكلام

 

فيه ناس كتير قوي نفسي أشوفها في الحقيقة زي ما استمتعت بكتاباتها وأفكارها وبمشاركاتها المتميزة زي سوما ورامي وترايفل وليلي ونورا والمستشار (والقائمة طويلة). هيبقى كويس قوي إني أتعرف ع الناس الجميلة دي بشكل شخصي.

 

كمان هيبقى هايل قوي لو ممثل جهاز المدينة قدر يحضر، عشان نتعرف عليه برضه بشكل شخصي ونشكره على المبادرة الجميلة اللي عملها.

 

أظن إن الليلاك هو أنسب مكان، وإن أي يوم في وسط الأسبوع بعد العشا على ما الناس تكون رجعت من شغلها هيبقى أحسن من الهيصة بتاعت آخر الاسبوع، وياريت يكون في أسرع وقت، ليه نستنى الصيف؟ أنا عارف إن  فيه أعضاء مسافرين بييجوا في الصيف بس، معلش، نبقى نعمل لهم لقاء تاني في الصيف.

 

بأقترح بقى يتعمل فقرة لأصحاب المواهب من الرحابيين، يعني اللي بيكتب شعر ييجي يلقيه، اللي صوته حلو يحضرلنا أغنية، وهكذا، بس دا محتاج يتعمل دعاية مكثفة بين كل الأعضاء عشان اللي عنده موهبة ومستعد يشارك يوميها، يعرف الإدارة من دلوقتي عشان تنظم الموضوع.

 

 

ليلاك أنسب مكان من وجهة نظرى.

أنا على عكس إبن عثمان أفضل ويك إند لأنى برجع من الشغل متأخر،

 

على العموم أنا عندى إقتراحين :

 

أولا: ممكن نختار يوم أجازة مثل عيد تحرير سيناء أو عيد العمال مثلا

ثانيا: ممكن الأعضاء الراغبين فى الحضور يسجلو أسمائهم عشان رحابى يطبع بدجات لهم بالإسم (nick name)  وبهذا يمكن أنت نتعرف على بعضنا عند المقابلة.

 

 

اقتراح جميل جداً جداً موضوع النيم تاج ده

 

و انا شايف ان زي ما تكرمتم و بعثتم كود التفعيل على المنازل

 

يجب أن يتم بعث دعوة الى كل عضو على منزله أو مكان وجوده

 

و اعتقد ان ده هيحسس الاعضاء بأهميتهم عند رحابي و أهمية رحابي عندهم لما يحضروا

 

و اعتقد كمان ان اللقاء ده لازم يتعمل في مكان مفتوح عشان اللي مايعرفش رحابي يعرفه و ينضملنا فيما بعد مش في اللقاء عشان مايخلصش الأكل ولا ايه؟

 

و من رأيي كمان انها تكون اشبه بالدش بارتي كل اللي يقدر يجيب معاه حاجة هو عاملها بإيده تبئا جميلة

 

اعتقد ده هيدينا الفرصة نتعرف على بعض اكثر و شايف ان لازم فعلاً يكون في حدث هام في اللقاء زي استعراض مواهب

 

و بما ان رحابي جمع جميع الأعمار فلازم يكون في حاجة تشد كل عمر و انا عن نفسي هبدأ افكر في حاجة اقدمها يومها

 

اما بالنسبة للميعاد فانا شايف ان يوم قبل او بعد شم النسيم ممكن يكون جميل من حيث الجو و الاجازة

 

و ربنا يخلي رحابي...هو اللي مأكلنا هو...هو اللي مشربنا هو

 

أولا اعتذر لأني ضغطت انتر بدون قصد فظهرت الرسالة بيضاء من غير سوء وياريت لو رحابي يقدر يشيلها بطريقة فنية أو يعرفنا إزاي نقدر نمسح أو نعدل في رسالة احنا باعتينها لو حصل موقف مشابه

 

الفكرة حلوة قوي طبعا وأنا معاكم إن شاء الله واعقد الليلاك مكان مناسب لأنها واسعة وتساع من الحبايب كتير

 

الدش بارتي طبعا فكرة رائعة لكن مش عارفة ان كانت إدارة الليلاك حا توافق عليها ولا لأ وطبعا ممكن نتأكد من ده ونعلن النتيجة هنا عشان كلنا نعمل حسابنا والأجمل لو كل واحد وواحدة فينا قال حا يعمل ايه عشان ما نلاقيش كلنا نفسنا جايين بسلطة ونعمل أزمة جرجير في البلد  

 

أنا بافضل اللقاء يكون في الويك اند عشان الكل يكون براحته وما حدش يقطع الكلام عشان مضطر يمشي ورغم أن ظروف عملي غير معلومة على الإطلاق لأني باشتغل لحساب نفسي وممكن في أي لحظة ظروفي تتغير لكن حاجي إن شاء الله لو ما فيش عندي ارتباط شغل يمنعني

 

وياريت نتجمع في  اليوم السابق لشم النسيم يعني يوم 27 مساء لكن أكرر لابد من التحضير الجيد للقاء وباقترح  نتجمع يوم الخميس القادم الساعة 11 مساء مثلا في شات المنتدى ونتناقش لايف في كل الأمور ده

وطبعا شكرا لرحابي على الأفكار الحلوة وطرحه لكل ما يشغلنا

  

 

شكرا لرحابي على الأفكار الجميلة اللي دايما بيترجمها لواقع عملي

 

طبعا أنا اتمنى جدا أكون معاكم ولكن لظروف سفري لن أكون متواجد ألا ابتداء من السبوع الثاني من شهر يوليو وأكيد مش قادر أكون اناني وأقولكم إستنوني، لكن أتنمى أن يكون اللقاء الأول للتعارف والترتيب للقاءات أخرى باذن الله.

 

وأكيد نفسي أشوفكم جميعا وأتعرف بكل واحد عن قرب. وتحياتي لكم جميعا وتمنياتي بأن يكون اللقاء الأول جميل ويزيد من المشاعر الصادقة والألفه التي بيننا

 اشكر لك اقتراحك الجميل

واتمني ان يكون الاجتماع دوري وكل شهر ويكثف من بداية شهر 7 علي اساس الاجازات للمسافرين والمغتربين

وكمان يكون الاجتماع الدوري لمناقشة بعض القضايا الخاصة باهل الرحاب

ولك كل الشكر والتقديروذيادة ف الخير  هذا موقع رائع عن رسولنا الكريم ارجو الاستفادة منة

والسلام عليكم ورحمة الله وبركاتة

بجد انا سعيد جدا بالخبر الحلو ده و اتمنى ان يكون فى اقرب فرصه اما بالنسبه للمكان فاعتقد الليلاك افضل مكان و فى نهايه الاسبوع افضل شئ بالنسبه لى على الاقل يكون امامنا الفرصه لقضاء اكتر وقت معا و انا افضل الدش بارتى عشان يكون عيش وملح كلنا مع بعض و اقترح ايضا ان يكون كل واحد فينا معه بدج معلق على صدره مكتوب عليه الاسم المستعار  بالموقع و الاسم الحقيقى وعليه لوجو موقعنا ايضا و هذا بالتنسيق مع رحابى بالتاكيد واعتقد انه من الضرورى ارسال دعوه لكل المشتركين بالموقع على الاقل على الميل قبل الميعاد باسبوع مثلا و اتمنى ان اجد صديقات لزوجتى ممن يتحدثو الانجليزيه حيث انها لا تتحدث العربيه فاتمنى ان يكون لها صديقات واخوات لها من ساكنى مدينتنا الجميل.....وشكرا لكم جميعا حتى نلتقى باذن الله 

أنا جاتنى فكرة أن يقوم رحابى بإختيار بعض المقترحات اللى طرحت فى المنتدى ويقوم صاحب الفكرة بعرضها اوشرحها لباقى الزملاء ، يعنى يتم دراستها جيداوبعدين الأفكار التى تحصل على شبه إجماع يتم عرضها على الموقع كنتيجة للإجتماع وممكن فى المستقبل يكون فيه خطوات إيجابية أكبر لتنفيذ هذه الأفكار.

 

أقترح أيضا تنظيم بعض المسابقات الخفيفة للأطفال عشان يتبسطوا هما كمان ويتعرفوا على بعض

 الحقيقة انا أول مرة اشوف الموضوع النهارده

ده شيء جميل وبداية أشكر أخي رحابي على الأيجابية المنقطعة النظير

وأشكر أخي بن عثمان على الأطراء الجميل

الأقتراحات كلها جميلة وعشان أساعد في عمليى العصف الذهني عملت تصفية للأراء وكلها جميلة وأضم صوتي لها وهي كالتالي:

انا موافق طبعا ونفسي اتعرف علي الكل  بس ابعدوا عن معاد لحد اول مايو اكون خلصت امتحاناتي ربنا يرحمنا

السلام عليكم أعزائي،

 

أرسل إليّ أحد الزملاء معاتباً، ظناً منه أن إدارة الموقع قد تخلت عن فكرة تنظيم الملتقى.

 

أردت أن أوضح، أننا لم نتخل عن الفكرة، كل ما في الأمر أن هناك مشروع آخر يحتاج لتكاتف كل طاقاتنا وجهودنا من أجل إنجاحه، وهو في رأيي أهم وأعم وأشمل من فكرة الملتقى، كما أن تنظيم الملتقى يمكن أن يتم على هامشه.

 

أرجو من كل من ساهم بالرأي هنا، ألا يبخل علينا بالرأي هناك ...

 

موضوع: أول معسكر ومخيم صيفي لشباب الرحاب

 

في أمان الله

أعتقد يا رحابي أن موافقة الأعضاء على اشتراك أبنائهم في المخيم المقترح رهين بالتقائنا وتعرفنا ببعضنا البعض لأن هذا سيطمئن الجميع على الصحبة التي سيحظى بها أبناؤهم ولا سيما أن القائمين على المعسكر سيكونون من بين السكان أيضا