شكرا يا أمل على كلمات مسحراتي

 

وكل سنه وانتم طيبين ،وتقبل الله صلاتكم وقيامكم وصالح أعمالكم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي منقراتي

 ع الطبله ايدي

 ريشه ف دوايتي

 اسمع ياسيدي

اسمع حكايتي

 مع استماره

 راكبه حماره

اول ماراحت

 راحت لحسني

قالت ياحوستي

هو انت فاطر

قال كنت فاكر

مش حانسى تاني

خليك مكاني

 الاستماره راكبه الحماره

راحت لفكري قال تيجي باكر

وتروح لزكري

قال روح لشاكر

ولا لشكري

شكري في اجازه

راحت لبهجت

لا حط ماذا

ولا سألها

اشر نقلها

راحت لهاني

خليك مكاني

هاني الطاطوري

قال فيما يبدو

حتروح لعبده

لازم ضروري

ضروري لازم

راحت لحازم

منه لتيفه

شاغلاه لطيفه

منه لمكتب

راجل مؤدب

ببدله بني

 قال لي اظني

في تاني اوده

عند الموظف

ابو بدله سودا

بدله رصاصي

قال لا مؤاخذه

مش اختصاصي

ياسيدي لاظوغلي

خلص لي شغلي

في تاني طرقه

على شمالي

لبدله زرقا

شرحت حالي

قال ثانيه واحده

والاستيماره

من يومها قاعده

راكبه الحماره

 لو كنت راكب

ماكنتش اوصل

ولا أؤدي واجب

ولا احصل واطلع بلاشي

احسن لي افضل

على مهلي ماشي

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

انا صايم الشهر طول الشهر ودا فاطـــــر

وانا ماشي في الشغل قلبي سخن ودا فاتر

ما يـنـتـقـل شـبـر الا بـحــبـر ودفــــاتـــــر

 *

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم  يانايم اصحى

وحد الرزاق

 

الله يا سوما، ايه ده كله

 

أيوه كده حسستونا ببهجة رمضان